കെവിൻ കൊലപാതകത്തിൽ നീനുവിന്‍റെ പിതാവ് ചാക്കോയുടെ ജാമ്യാപേക്ഷ ഹൈകോടതി തള്ളി. കൊലപാതകത്തിന് പിന്നിലെ മുഖ്യസൂത്രധാരന്‍ നീനുവിന്‍റെ പിതാവ് ചാക്കോയാണെന്ന പ്രോസിക്യൂഷന്‍റെ വാദം കണക്കിലെടുത്താണ് ജാമ്യാപേക്ഷ തള്ളിയത്.

അമ്പത് ദിവസമായി ജയിലില്‍ കഴിയുകയാണെന്നും ജാമ്യം വേണമെന്നുമാണ് ചാക്കോ കോടതിയില്‍ ആവശ്യപ്പെട്ടത്. അച്ഛൻ എന്ന നിലയിൽ മകനെ കാര്യങ്ങൾ അറിയിക്കുക മാത്രം ആണ് ചെയ്തത്.

കെവിൻ പലതവണയായി പണം ചോദിച്ചിരുന്നു. പല ഘട്ടങ്ങളിൽ ആയി സ്വർണവും പണവും നല്‍കുകയും ചെയ്തു. കൊലപാതകം ആണ് ന്നതെന്ന് പൊലീസിന് പോലും കേസില്ലെന്നും ചാക്കോ ഹൈക്കോടതിയില്‍ നല്‍കിയ ജാമ്യാപേക്ഷയില്‍ പറഞ്ഞു.

ചാക്കോയാണ് പ്രതികള്‍ക്ക് പണവും മറ്റ് സൗകര്യങ്ങളും ഒരുക്കിയത്. ഇയാള്‍ പുറത്തിറങ്ങിയാല്‍ സാക്ഷികളെ സ്വാധീനിക്കുമെന്നും അതിനാല്‍ ജാമ്യം അനുവദിക്കരുതെന്നും പ്രോസിക്യൂഷന്‍ കോടതിയില്‍ വാദിച്ചു.