ശ്രോതാക്കളിൽ ഗസൽ മഴ പെയ്യിച്ച അനുഗ്രഹീത ഗായകൻ ഉമ്പായി ( അബു ഇബ്രാഹിം) 68 അന്തരിച്ചു. ആലുവയിലെ സ്വകാര്യ ആശുപത്രിയിൽ ഇന്ന് വൈകിട്ട് 4.40നായിരുന്നു അന്ത്യം. അർബുദ ബാധയെ തുടർന്ന് ആലുവയിലെ സ്വകാര്യ ആശുപത്രിയിൽ ചികിത്സയിലായിരുന്നു അദ്ദേഹം. നിരവധി പഴയ ചലച്ചിത്ര ഗാനങ്ങൾ ഉംബായി തൻെറ തനതായ ഗസൽ ആലാപന ശൈലികൊണ്ട് പുനരാവിഷ്കരിച്ചിട്ടുണ്ട്. ഉമ്പായിയും സച്ചിദാനന്ദനും ചേർന്ന് ഒരുക്കിയ ശ്രദ്ധേയമായ ഗസൽ ഗാന ആൽബമായിരുന്നു "അകലെ മൗനം പോലെ".

അതിന്‌ ശേഷം ഒ.എൻ.വി. കുറുപ്പ് എഴുതിയ ഗാനങ്ങൾക്ക് ഉംബായി ശബ്ദാവിഷ്കാരം നൽകിയ ആൽബമായിരുന്നു "പാടുക സൈഗാൾ പാടുക" എന്നത്. ഉംബായി എം. ജയചന്ദ്രനുമായി ചേർന്ന് "നോവൽ" എന്ന സിനിമയ്ക്ക് സംഗീതവും നൽകിയിട്ടുണ്ട്.