പ്രശസ്ത തമിഴ് ചലച്ചിത്ര നിര്‍മ്മാതാവ് ആര്‍ ബി ചൗധരി വാഹനാപകടത്തില്‍ അന്തരിച്ചു. രാജസ്ഥാനിലെ ജോഥ്പൂരില്‍ വച്ചാണ് അപകടം നടന്നത്. 72 വയസായിരുന്നു. തമിഴ് ചലച്ചിത്ര താരം ജീവ മകനാണ്. സൂപ്പര്‍ ഗുഡ് ഫിലിംസ് ഉടമയാണ് രതന്‍ലാല്‍ ഭഗത്‌റാം ചൗധരി എന്ന ആര്‍ ബി ചൗധരി.

തമിഴിന് പുറമേ തെലുങ്ക്, മലയാളം, ഹിന്ദി ഭാഷകളിലും സൂപ്പര്‍ ഗുഡ് ഫിലിംസിന്റെ പേരില്‍ അദ്ദേഹം ചിത്രങ്ങള്‍ നിര്‍മ്മിച്ചു. എങ്ങനെയാണ് അപകടം ഉണ്ടായതെന്നോ കൂടെ ആരെങ്കിലും ഉണ്ടായിരുന്നോ എന്നീ കാര്യങ്ങളെക്കുറിച്ചൊന്നും വ്യക്തമല്ല. നാല് പതിറ്റാണ്ടിലേറെ നീളുന്ന ചലച്ചിത്ര മേഖലയിലെ കരിയറില്‍ 99 ചിത്രങ്ങള്‍ അദ്ദേഹം നിര്‍മ്മിച്ചു. നാട്ടാമൈ, സൂര്യവംശം, തുള്ളാത്തമനവും തുള്ളും, ആനന്ദം, തിരുപ്പാച്ചി, ഷാജഹാന്‍, ജില്ല തുടങ്ങി നിരലധി ഹിറ്റ് ചിത്രങ്ങളുടെ നിര്‍മ്മാതാവ് അദ്ദേഹമാണ്. ഫഹദ് ഫാസില്‍ അഭിനയിച്ച മാരീസന്‍ ആണ് റിലീസായ അവസാന ചിത്രം. മാഗുഡം, ഹനുമാന്‍ ഗിയര്‍ എന്നീ ചിത്രങ്ങള്‍ റിലീസ് ചെയ്യാനുണ്ട്.

34ഓളം ഹിറ്റ് സംവിധായകരെ ചലച്ചിത്ര മേഖലയ്ക്ക് പരിചയപ്പെടുത്തിയയാളാണ് ആര്‍ ബി ചൗധരി. കെ എസ് രവികുമാര്‍,വിക്രമന്‍, എസ് ഏഴില്‍, രാജകുമാരന്‍, ശശി, രവി മരിയ എന്നിവര്‍ക്കെല്ലാം അവസരം നല്‍കിയത് അദ്ദേഹമാണ്.1990ല്‍ പുറത്തിറങ്ങിയ പുതുവസന്തം എന്ന ചിത്രത്തിന് തമിഴ്‌നാട് സംസ്ഥാന ചലച്ചിത്ര അവാര്‍ഡ് ലഭിച്ചു. മൃതദേഹം ബുധനാഴ്ച ചെന്നൈയില്‍ കൊണ്ടുവരും.