രാവിലെയാണ് വെണ്ണിയോട് പുഴയിലെ കുളിക്കടവിൽ സംശയാസ്പദമായ രീതിയിൽ രണ്ട് മുതിർന്നവരുടെയും രണ്ട് കുട്ടികളുടെയും ചെരിപ്പുകൾ കണ്ടെത്തിയത്. ചൂണ്ടേൽ ആനപ്പാറ സ്വദേശികളായ നാരായണൻ കുട്ടി, ഭാര്യ ശ്രീജ, മക്കളായ സായുജ്, സൂര്യ എന്നിവരെയാണ് കാണാതായിരിക്കുന്നതെന്നാണ് വിവരം. കുടുംബാംഗങ്ങളുടെ ചെരുപ്പുകളും ഒരു കത്തും പുഴക്കരയിൽ നിന്ന് ലഭിച്ചിട്ടുണ്ട്.

ഇവർക്കായി പുഴയിൽ തിരച്ചിൽ തുടരുകയാണ്. ഇതിനടുത്ത് മറ്റ് ചില സാധനങ്ങളും ഒരു കത്തും ഉണ്ടായിരുന്നു. ആ കത്തിൽ നിന്നാണ് ഇവർ ആനപ്പാറ സ്വദേശി നാരായണനും കുടുംബവുമാണ് എന്ന് സൂചന ലഭിച്ചത്. പൊലീസിന്റെയും അഗ്നിശമന സേനയുടെയും നേതൃത്വത്തിൽ തിരച്ചിൽ തുടരുകയാണ്.