കുട്ടനാട് ദുരിതാശ്വാസ പ്രവര്‍ത്തനങ്ങളുടെ അവലോകന യോഗം നടക്കുന്ന ഹാളില്‍നിന്നു മാധ്യമപ്രവര്‍ത്തകരെ ഇറക്കിവിട്ട മുഖ്യമന്ത്രി പിണറായി വിജയന്‍ യോഗത്തിനു ശേഷവും മാധ്യമപ്രവര്‍ത്തകരുമായി സംസാരിച്ചില്ല. യോഗത്തിനുശേഷം മാധ്യമപ്രവര്‍ത്തകര്‍ മുഖ്യമന്ത്രിക്കു ചുറ്റും നിരന്നെങ്കിലും ഒരു ചാനലിന്റെ മൈക്ക് ശരീരത്തില്‍ തട്ടിയതിനെത്തുടര്‍ന്ന് അരിശംപൂണ്ട മുഖ്യമന്ത്രി മാധ്യമപ്രവര്‍ത്തകരെ തട്ടിമാറ്റി കാറില്‍ക്കയറി തിരുവനന്തപുരത്തേക്കു പോവുകയായിരുന്നു.

മുഖ്യമന്ത്രി സംസാരിക്കാന്‍ ആരംഭിച്ചതിനുശേഷമാണ് തിക്കും തിരക്കുമുണ്ടായത്. ഇതിനിടയില്‍ മൈക്ക് ശരീരത്തില്‍ തട്ടുകയായിരുന്നു. തുടര്‍ന്ന് ഒന്നും മിണ്ടാതെ ഉടന്‍തന്നെ കാറില്‍ കയറി പോയി. ആരൊക്കെയോ തിക്കിത്തിരക്കിയതിനാലാണു മുഖ്യമന്ത്രി സംസാരിക്കാതെ പോയതെന്ന് മന്ത്രി ജി. സുധാകരന്‍ അറിയിച്ചു.