കേരളം ചരിത്രത്തിലെ വലിയ വെള്ളപ്പൊക്ക കെടുതിയെ നേരിടുമ്പോൾ രക്ഷാദൗത്യത്തിന് വഴികാട്ടിയായി ഐഎസ്ആർഒ വിക്ഷേപിച്ചഉപഗ്രഹങ്ങളും. രക്ഷാപ്രവർത്തനങ്ങളെയും ദുരിതാശ്വാസ പ്രവർത്തനങ്ങളെയും മറ്റും സഹായിക്കാൻ കാലാവസ്ഥാ വിവരങ്ങളും പ്രളയ ബാധിത പ്രദേശങ്ങളുടെയും തത്സമയ വിവരങ്ങളും അഞ്ച് കൃത്രിമോപഗ്രഹങ്ങൾ വഴിയാണ് ശേഖരിച്ചത്.

ഓഷ്യാനോസാറ്റ് -2, റിസോഴ്സ് സാറ്റ്-2, കാർട്ടോസാറ്റ് -2, 2എ, ഇൻസാറ്റ് 3ഡിആർ എന്നീ അഞ്ച് ഉപഗ്രഹങ്ങളൾ രക്ഷാദൗത്യത്തിൽ പങ്കാളിയായി. ഉപഗ്രഹങ്ങളിൽ നിന്ന് ലഭിക്കുന്ന വിവരങ്ങൾ രക്ഷാ പ്രവർത്തനം ഏകോപിപ്പിക്കുന്നത്തിനായി കൈമാറുന്നു.

പ്രളയബാധിത പ്രദേശങ്ങൾ കൃത്യമായി അടയാളപ്പെടുത്താനും കാലാവസ്ഥ സംബന്ധിച്ച വിവരങ്ങൾ കൃത്യമായി കൈമാറുന്നതിനും ഗതാഗതത്തിന് പുതിയ വഴി കണ്ടെത്താനും ഉപഗ്രഹ ചിത്രങ്ങൾ സഹായകമായി. ഹൈദരബാദിലെ ഐഎസ്ആർ ഒ യുടെ വിദൂര നിയന്ത്രണ കേന്ദ്രമാണ് ഉപഗ്രഹങ്ങളിൽ നിന്നുള്ള വിവരങ്ങള്ൾ സംസ്ഥാനത്തിനും കേന്ദ്രത്തിനും കൈമാറുന്നത്.