ഇത് കേരളത്തിന്റെ പുതുമാതൃക...കേരളം കണ്ടുപഠിക്കണം...തന്റെ ശരീരം തന്നെ ചവിട്ടുപടിയായി കിടന്നു കൊടുത്തുകൊണ്ട് ജെയ്സല് നടത്തിയ രക്ഷാപ്രവര്ത്തനത്തെ അഭിനന്ദിച്ച് വിനയന്
ജെയ്സലിന് കൈയ്യടിയുമായി പ്രവാസലോകവും സൈബര് ലോകവും എത്തിയിരുന്നു. ആളുകള് നല്കുന്ന സഹായധനം മുഖ്യമന്ത്രിയുടെ നിധിയിലേക്ക് നല്കുമെന്ന് ജെയ്സലും പറഞ്ഞു. സ്വന്തമായി നല്ലൊരു കുടിലുപോലുമില്ലാത്തയാളാണ് ജെയ്സല്. എന്നാല് ജെയ്സലിന് സമ്മാനവുമായി സംവിധായകന് വിനയന്. ഒരു ലക്ഷം രൂപയാണ് വിനയന് നല്കുക.
വിനയന്റെ പോസ്റ്റ്
സമൂഹത്തിന് ഏറെ മാതൃകയായി പ്രളയദുരന്തത്തില് രക്ഷാപ്രവര്ത്തനം നടത്തിയ മര്ല്സ്യത്തൊഴിലാളി ജൈസലിന് ഒ രുലക്ഷം രൂപ സമ്മാനമായി നല്കാന് ഞാനാഗ്രഹിക്കുന്നു..
ഈ വിവരം ഞാന് ജൈസലിനെ അറിയിച്ചപ്പോള് അദ്ദേഹത്തിനുണ്ടായ സന്തോഷം എന്നേ സംബന്ധിച്ച് വല്യ സംതൃപ്തി തന്നു. (ജൈസല് ഫോണ് 8943135485) തന്റെ ശരീരം തന്നെ ചവിട്ടുപടിയായി കിടന്നു കൊടുത്തുകൊണ്ട് ജൈസല് നടത്തിയ രക്ഷാപ്രവര്ത്തനം സാമുഹ്യമാദ്ധ്യമങ്ങളില് വൈറലായിരുന്നു.
മാതൃഭൂമി ചാനലിലൂടെ ജൈസലിന്റെ വീടിന്റവസ്ഥയും ജീവിതത്തേപ്പറ്റി യുമൊക്കെ കേട്ടപ്പോള് നിര്ധനനായ ആ ചെറുപ്പക്കാരനോട് വല്യ സ്നേഹവും ആദരവും തോന്നി
ദുരിതാശ്വാസ ക്യാമ്പുകളിലേക്കും മുഖ്യമന്ത്രിയുടെ ദുരിതാശ്വാസ നിധിയിലേക്കും ഒക്കെ എന്നാല് കഴിയുന്ന പന്ക് കൊടുത്തിട്ടുണ്ടന്കിലും.. ഒറ്റമുറി ഷെഡ്ഡില് കഴിയുന്ന ജൈസലിന്റെ കുടും ബത്തിന് ഇങ്ങനൊരു ചെറിയസമ്മാനം കൊടുക്കുന്നത് ജീവന് പണയംവച്ചു പോലും ദുരിതാശ്വാസ പ്രവര്ത്തനം നടത്തിയ നമ്മുടെ നാട്ടിലെ ചെറുപ്പക്കാര്ക്ക് ഒരു പ്രോല്സാഹനമാകുമെന്ന് ഞാന് കരുതുന്നു..
നമ്മുടെ നാട്ടിലെ നന്മ്മയുടെ പ്രതീകങ്ങളായ മല്സ്യത്തൊഴിലാളികളുടെ മുന്നിലും..ആദ്രതയും കരുണയും ഉള്ള സ്നേഹസമ്പന്നരായ നമ്മുടെ യുവതലമുറയുടെ മുന്നിലും ശിരസ്സു നമിക്കുന്നു..
പ്രളയ ദുരന്തത്തില് കുടുങ്ങിയവരെ രക്ഷിക്കാന് കൃത്യമായ രക്ഷാപ്രവര്ത്തനം നടത്തിയവരില് പ്രധാനികള് മത്സ്യതൊഴിലാളികളാണ്. കേന്ദ്ര സേനയ്ക്കൊപ്പം ഇവര് നടത്തിയ പരിശ്രമം അഭിനന്ദനാഹര്മാണ്.
https://www.facebook.com/Malayalivartha
