വെള്ളപ്പൊക്കത്തില് സഹായം വാഗ്ദാനം ചെയ്ത രാജ്യങ്ങള്ക്ക് നന്ദി... നിലവിലെ നയമനുസരിച്ച് പ്രളയക്കെടുതി ബാധിച്ച കേരളത്തിലെ ദുരിതാശ്വാസ, പുനര്നിര്മാണ പ്രവര്ത്തനങ്ങള് ഇന്ത്യ തന്നെ ചെയ്യും; വിദേശസഹായം വേണ്ടെന്ന അറിയിപ്പ് കേന്ദ്രസര്ക്കാര് ഒൗദ്യോഗികമായി പുറത്തിറക്കി
കേരളത്തിനായി യു.എ.ഇ, ഖത്തര് പോലുള്ള രാജ്യങ്ങള് സഹായം വാഗ്ദാനം ചെയ്തിരുന്നു. യു.എന്നും കേരളത്തിലെ പ്രളയത്തില് ഇടപെടാമെന്ന് അറിയിച്ചിരുന്നു. എന്നാല് ഇത് നിരസിക്കുകയാണ് കേന്ദ്രം. വിദേശസഹായം വേണ്ടെന്ന നിലപാടിലാണ് കേന്ദ്രം. കേരളത്തിലെ പ്രളയക്കെടുതി നേരിടാന് വിദേശസഹായം വേണ്ടെന്ന അറിയിപ്പ് കേന്ദ്രസര്ക്കാര് ഒൗദ്യോഗികമായി പുറത്തിറക്കുകയും ചെയ്തു. വിദേശകാര്യ മന്ത്രാലയത്തിന്റെ വക്താവാണ് ഇക്കാര്യം അറിയിച്ചത്.
വെള്ളപ്പൊക്കത്തില് സഹായം വാഗ്ദാനം ചെയ്ത രാജ്യങ്ങള്ക്ക് നന്ദി അറിയിക്കുന്നു. എന്നാല്, നിലവിലെ നയമനുസരിച്ച് പ്രളയക്കെടുതി ബാധിച്ച കേരളത്തിലെ ദുരിതിശ്വാസ, പുനര്നിര്മാണ പ്രവര്ത്തനങ്ങള് ഇന്ത്യ തന്നെ ചെയ്യുമെന്ന് പ്രസ്താവനയില് പറയുന്നു. അതേ സമയം, മുഖ്യമന്ത്രിയുടെയും പ്രധാനമന്ത്രിയുടെയും ദുരിതാശ്വാസനിധിയിലേക്ക് വിദേശത്ത് നിന്ന് സംഭാവന നല്കാവുന്നതാണെന്നും വിദേശകാര്യമന്ത്രാലയം പുറത്തിറക്കിയ പ്രസ്താവനയില് വ്യക്തമാക്കുന്നു. പ്രവാസികള്, ഇന്ത്യന് വംശജര്, വിദേശ സന്നദ്ധ സംഘടനകള് തുടങ്ങിയവര്ക്കാണ് ദുരിതാശ്വാസനിധിയിലേക്ക് സംഭാവന നല്കാനാവുക.
https://www.facebook.com/Malayalivartha
