റോഡ്സുരക്ഷാ കമ്മിഷണര് യോഗേഷിന് കേന്ദ്ര ഡി.ജി.പി പദവി
റോഡ്സുരക്ഷാ കമ്മിഷണര് യോഗേഷ്ഗുപ്തയെ കേന്ദ്രസര്ക്കാര് ഡി.ജി.പി റാങ്കിലേക്ക് എംപാനല് ചെയ്തു. ഇതോടെ, ആഗസ്റ്റില് ഒഴിവുവരുന്ന എന്ഫോഴ്സ്മെന്റ് ഡയറക്ടര് (ഇ.ഡി) പദവിയിലേക്കടക്കം പരിഗണിച്ചേക്കും. കേരളത്തില് ഡി.ജി.പി റാങ്കുണ്ടെങ്കിലും കേന്ദ്രത്തില് എ.ഡി.ജി.പി റാങ്കായിരുന്നു.
സംസ്ഥാന സര്ക്കാര് ക്ലിയറന്സ് നല്കാതിരുന്നതിനെത്തുടര്ന്ന് 1993ബാച്ചുകാരനായ യോഗേഷിനെ മറികടന്ന് 1994ബാച്ച് ഐ.പി.എസുകാര്ക്ക് കേന്ദ്രത്തില് ഡി.ജി.പി റാങ്ക് ലഭിച്ചിരുന്നു.
സര്ക്കാരിന്റെ മുന്കൂര് അനുമതിയില്ലാതെ യോഗേഷ് ചില വിജിലന്സ് അന്വേഷണങ്ങള് തുടങ്ങിയെന്നും അതിന്റെ പേരില് യോഗേഷിനെതിരേ വിജിലന്സിന്റെ പ്രാഥമിക അന്വേഷണമുണ്ടെന്നുമാണ് സംസ്ഥാനം കേന്ദ്രത്തെ അറിയിച്ചത്. ഇത് തള്ളിക്കളഞ്ഞാണ് ഡി.ജി.പി പദവി അനുവദിച്ച് കേന്ദ്രം ഉത്തരവിറക്കിയത്.
യോഗേഷിന് സ്ഥാനക്കയറ്റത്തിനുള്ള ക്ലിയറന്സ് നല്കാത്തത് 'കേരളകൗമുദി' നേരത്തേ റിപ്പോര്ട്ട് ചെയ്തിരുന്നു. മുഖ്യമന്ത്രിയുടെ പോര്ട്ടലില് അപേക്ഷിച്ചിട്ടും ഫലമില്ലാതായതോടെ യോഗേഷ് കേന്ദ്രഅഡ്മിനിസ്ട്രേറ്റീവ് െ്രെടബ്യൂണലിനെ സമീപിച്ചു. മന്ത്രി കെ.ബി.ഗണേശ് കുമാറിനും ഏഴ് സിവില് സര്വീസുദ്യോഗസ്ഥര്ക്കുമെതിരെ സര്ക്കാര് അറിയാതെ വിജിലന്സ് അന്വേഷണം തുടങ്ങിയെന്ന് സര്ക്കാര് വാദിച്ചെങ്കിലും െ്രെടബ്യൂണല് തള്ളി. അഞ്ചു പ്രവൃത്തി ദിവസത്തിനകം ക്ലിയറന്സ് നല്കണമെന്ന് െ്രെടബ്യൂണല് ഉത്തരവിട്ടതോടെയാണ് കുതന്ത്രങ്ങളോടെ ക്ലിയറന്സ് കേന്ദ്രത്തിനയച്ചത്.
ഉന്നതര്ക്കെതിരെ ലഭിക്കുന്ന പരാതികളില് ത്വരിതപരിശോധനയ്ക്ക് സര്ക്കാരിന്റെ അനുമതി വേണ്ടെന്നും സര്ക്കാരിന്റെ ആരോപണം വ്യാജമാണെന്നും യോഗേഷ് കേന്ദ്രത്തെ അറിയിച്ചു. ഇതോടെയാണ് കേന്ദ്രപഴ്സണല്മന്ത്രാലയം സംസ്ഥാനസര്ക്കാരിന്റെ എതിര്പ്പ് തള്ളിയത്. അടുത്തബാച്ചിന്റെ എംപാനല്മെന്റ് വരെ നീട്ടികൊണ്ടുപോകാതെ, യോഗേഷിന് മാത്രമായി ഉത്തരവിറക്കുകയായിരുന്നു.
https://www.facebook.com/Malayalivartha
