കര്ത്താവിന്റെ മണവാട്ടികളുടെ സമരം ആറാം ദിവസത്തിലേക്ക്; സമരത്തിന് ജനപിന്തുണയേറുന്നു; സെക്രട്ടറിയേറ്റിന് മുന്നിലും പ്രതിഷേധം ശക്തം; നിലവിലെ അന്വേഷണത്തെ ന്യായീകരിച്ച് സി.പി.എം കേന്ദ്രനേതൃത്വവും രംഗത്ത്
കന്യാസ്ത്രീകളുടെ നീതിക്കായുള്ള സമരം തുടങ്ങിയിട്ട് ഇന്ന് ആറാം ദിവസം. ഇന്നലെ സമരത്തിന് ഐക്യദാര്ഡ്യം പ്രഖ്യാപിച്ച് സെക്രട്ടറിയേറ്റിനു മുന്നില് ജനകീയ കൂട്ടായ്മ സംഘടിപ്പിച്ചിരുന്നു. കോണ്ഗ്രസ് നേതാവ് വിഎം സുധീരന് അടക്കമുള്ള പ്രമുഖര് സമരത്തിനെത്തി.
സേവ് ഔര് സിസ്റ്റേഴ്സ് ആക്ഷന് കൊണ്സിലിന്റെ നേതൃത്വത്തിലായിരുന്നു ജനകീയ കൂട്ടായ്മ. മുന് കെ.പി.സിസി പ്രസിഡന്റ് വി.എം സുധീരനായിരുന്നു പരിപാടി ഉത്ഘാടനം ചെയ്തു. സര്ക്കാരിന്റെ പാവയായി മാറിയ പേലീസ് മേധാവി സംസ്ഥാനത്തിന് നാണക്കേടായി മാറിയെന്നും സര്ക്കാര് ജനങ്ങളുടെ കണ്ണില് പൊടിയിടരുതെന്നും പറഞ്ഞു. സിസ്റ്റര് ജെസ്മി, ബിജെപി നേതാവ് പി.പി മുകുന്ദന്, മുന് മന്ത്രി സുരേന്ദ്രന് പിള്ള തുടങ്ങി വിവിധ രാഷ്ട്രീയ സാംസ്കാരിക മത നേതാക്കള് സമരത്തിന് പിന്തുണ പ്രഖ്യാപിച്ച് സംസാരിച്ചു. പ്രധാന സമരവേദിയായ കൊച്ചിയില് ഇന്ന് സാംസ്കാരിക കൂട്ടായ്മയായാണ് നടന്നത്. വിവിധ സാംസ്കാരിക പ്രവര്ത്തകരും രാഷ്ട്രീയ നേതാക്കളും കൊച്ചിയിലെ സമരപ്പന്തലിലെത്തി ഐക്യദാര്ഡ്യം പ്രഖ്യാപിച്ചു.
അതേസമയം കന്യാസ്ത്രീ നല്കിയ ബലാത്സംഗ പരാതിയില് നടക്കുന്ന അന്വേഷണത്തെ ന്യായീകരിച്ച് സി.പി.എം കേന്ദ്രനേതൃത്വം രംഗത്ത് വന്നു. ബിഷപ്പിന്റെ കേസില് വിശദമായ അന്വേഷണമാണ് നടക്കുന്നതെന്നും അന്വേഷണം ഫലപ്രദമല്ലെന്ന കന്യാസ്ത്രീയുടെ പരാതിയില് വസ്തുത ഇല്ലെന്നും സി.പി.എം പൊളിറ്റ് ബ്യൂറോ അംഗം എസ്. രാമചന്ദ്രന് പിള്ള പറഞ്ഞു.
https://www.facebook.com/Malayalivartha
