രമയ്ക്ക് മുന്നില് വിയര്ത്ത് ജയരാജന്; വടകരയില് യു ഡി എഫിന് വേണ്ടി രമയിറങ്ങിയാല് സി പി എം വിയര്ക്കും; ഉറ്റുനോക്കി രാഷ്ട്രീയ കേരളം
വടകരയില് ജയരാജനെ രമ പൂട്ടുമോ ? യു ഡി എഫിന് വേണ്ടി രമയിറങ്ങിയാല് സി പി എം വിയര്ക്കുമെന്ന കാര്യത്തില് ഒരു സംശയവുമില്ല. പി. ജയരാജന്റെ സ്ഥാനാര്ഥിത്വത്തോടെ ഏറ്റവും ശ്രദ്ധേയമാകുന്ന മണ്ഡലമായി മാറുകയാണ് വടകര. യു.ഡി.എഫ് സ്ഥാാര്ഥി ആരായാലും പ്രചാരണം മുഴുവന് പി.ജയരാജനെന്ന സിപിഎമ്മിന്റെ ഏറ്റവും ശക്തനായ ജില്ലാ സെക്രട്ടറിയെ കേന്ദ്രീകരിച്ചാവും. പി. സതീദേവി വടകരയില് മല്സരിച്ചപ്പോള് പ്രചാരണ കമ്മിറ്റി ചെയര്മാനായിരുന്നു പി. ജയരാജന്. അതുവഴി വടകര മണ്ഡലത്തിലെ ഓരോ മുക്കുംമൂലയും ജയരാജന് മനപാഠവുമാണ്.
പാര്ട്ടി സംവിധാനത്തെ എണ്ണയിട്ട യന്ത്രം കണക്കെ പ്രവര്ത്തിപ്പിക്കാന് ഇതു സഹായമാകും. എന്നാല് പ്രചാരണ കമ്മിറ്റി ചെയര്മാന് സ്ഥാനത്ത് നിന്ന് സ്ഥാനാര്ഥിത്വത്തിലേക്ക് മാറുമ്പോള് പ്രതിസന്ധികളും വെല്ലുവിളികളും ഏറെയാണ്. അത് മറികടക്കാന് ജയരാജനാകുമോ. ഷുക്കൂര്, വധക്കേസില് ആരോപണവിധേനായ ആളെന്നത് എതിരാകളുടെ പ്രചാരണത്തിന്റെ കുന്തമുനയാകും. ടി.പി ചന്ദ്രശേഖരന് വധത്തിലും ആര്.എം.പി ജയരാജനെതിരെ ആരോപണ സമുന്നയിച്ചിരുന്നു. ഇതും പ്രചാരണരംഗത്ത് മുഴങ്ങികേള്ക്കും. ഇതു കൃത്യമായി അറിയുന്നതിനാലാണ് അക്രമരാഷ്ട്രീയമെന്ന പ്രചാരണത്തെ മറികടക്കുമെന്ന് എ.എന് ഷംസീര് എം.എല്.എ ഒരു മുഴം മുമ്പേ എറിയുന്നത്. ആര്.എം.പി നേടുന്ന വോട്ടുകള് അടുത്തിടെ മുന്നണിയിലെത്തിയ എല്.ജെ.ഡിയെ കൊണ്ടുമറികടക്കാമെന്നാണ് സിപിഎം കണക്കുകൂട്ടല്. അതേ സമയം മണ്ഡലത്തില് വ്യാപിച്ചുകിടക്കുന്ന മുസ്ലിം വോട്ടുകള് ജയരാജനു തുണയാകുമോയെന്നതും കണ്ടറിയണം. കഴിഞ്ഞതവണ എ.എന് ഷംസീറിന്റെ സ്ഥാനാര്ഥിത്വം വഴി ഈ വോട്ടുകളില് നല്ലശതമാനം നേടായെന്ന് പാര്ട്ടി തന്നെ വിലയിരുത്തിയിരുന്നതാണ്.
സംസ്ഥാന സെക്രട്ടേറിയേറ്റ് തീരുമാനം പാര്ലമെന്റ് മണ്ഡലം കമ്മിറ്റി അംഗീകരിക്കുകയായിരുന്നു. എന്തായാലും പ്രചാരണം മുഴുവന് സ്ഥാനാര്ഥിയിലേക്ക് മാത്രമായി ചുരുങ്ങുന്നത് മറികടക്കാന് സി.പി.എം നന്നായി വിയര്പ്പൊഴുക്കേണ്ടിവരും. എത്ര വിയര്പ്പൊഴുക്കിയാലും രമയ്ക്ക് മുന്നില് പിടിച്ചുനില്ക്കാന് ജയരാജനാകുമോ, ആര്.എം.പി സിപിഎമ്മിനെ വെട്ടുമോ അതിനായി ഉറ്റുനോക്കുകയാണ് രാഷ്ട്രീയ കേരളം.
https://www.facebook.com/Malayalivartha
