കുന്നത്തുനാട് നിലംനികത്തലില്; റവന്യൂ അഡീഷണല് സെക്രട്ടറിയുടെ ഉത്തരവ് മരവിപ്പിക്കാന് റവന്യൂ മന്ത്രിയുടെ നിര്ദേശം

ജില്ലാ കളക്ടറുടെ ഉത്തരവ് മറികടന്ന് എറണാകുളം ജില്ലയിലെ കുന്നത്തുനാട് വില്ലേജില് 15 ഏക്കര് നിലം അനധികൃതമായി നികത്താന് അനുവദിച്ച റവന്യുവകുപ്പ് നടപടി മരവിപ്പിക്കും. ഇതു സംബന്ധിച്ച റവന്യൂ അഡീഷണല് സെക്രട്ടറിയുടെ ഉത്തരവ് മരവിപ്പിക്കാന് റവന്യൂ പ്രില്സിപ്പല് സെക്രട്ടറിക്കു റവന്യൂ മന്ത്രി ഇ. ചന്ദ്രശേഖരന് നിര്ദേശം നല്കി. ഉത്തരവ് റദ്ദാക്കാന് നിയമവശം തേടാനും മന്ത്രി നിര്ദേശിച്ചിട്ടുണ്ട്.
കൊച്ചിയില് റജിസ്റ്റര് ചെയ്ത സ്പീക്സ് പ്രോപ്പര്ട്ടീസ് പ്രൈവറ്റ് ലിമിറ്റഡ് എന്ന റിയല് എസ്റ്റേറ്റ് കന്പനിയുടേതാണ് നികത്താന് അനുമതി നല്കിയ ഭൂമി. ഭൂമി പൂര്വസ്ഥിതിയിലാക്കണമെന്ന ജില്ലാ കളക്ടറുടെ ഉത്തരവ് മറികടന്നാണ് റവന്യൂ വകുപ്പ് കൂടുതല് നിലം നികത്താന് പുതിയ ഉത്തരവിട്ടത്. സിപിഎമ്മുമായി ഏറെ അടുപ്പക്കാരനായ വ്യവസായിയുടെ തമിഴ്നാട്ടിലെ ബിസിനസ് പങ്കാളികളാണു ഭൂമിയുടെ ഉടമസ്ഥരെന്നു റിപ്പോര്ട്ടുകള് പറയുന്നു.
ഈ വര്ഷം ജനുവരി 31-ന്, മുന് റവന്യൂ സെക്രട്ടറി വിരമിക്കുന്നതിനു തലേദിവസമാണ് നിലംനികല്ത്തല് ഉത്തരവിറങ്ങിയത്. റവന്യൂ മന്ത്രി ഇ.ചന്ദ്രശേഖരന് അറിയാതെയായിരുന്നു നീക്കം. സംഭവം വിവാദമായതോടെ പ്രശ്നത്തില് ഇടപ്പെട്ട റവന്യൂമന്ത്രി ഉത്തരവ് മരവിപ്പിക്കാനും റദ്ദു ചെയ്യുന്നതു പരിശോധിക്കാനും നിര്ദേശം നല്കുകയായിരുന്നു.
https://www.facebook.com/Malayalivartha



























