സംസ്ഥാനത്ത് നാല് എയര്സ്ട്രിപ്പ് വരുന്നു... നിലവിലുള്ള വിമാനത്താവളങ്ങളെ ബാധിക്കുമെന്ന ആശങ്ക വേണ്ട
സംസ്ഥാനത്ത് നാല് എയര്സ്ട്രിപ്പുകള് വരുന്നു... ഇടുക്കി, വയനാട്, കാസര്കോട്, പത്തനംതിട്ട ജില്ലകളിലായിരിക്കും ഇവ നിര്മിക്കാന് ഉദ്ദേശിക്കുന്നതെന്ന് മുഖ്യമന്ത്രി പിണറായി വിജയന് പറഞ്ഞു. ശബരിമല തീര്ഥാടകരെ മാത്രം ഉദ്ദേശിച്ചല്ല, തിരുവല്ല, ചെങ്ങന്നൂര്, കുമ്പനാട് തുടങ്ങിയ മധ്യതിരുവിതാംകൂറിലെ പ്രവാസികള്ക്കും ഇതിന്റെ പ്രയോജനം ലഭിക്കുമെന്നും മുഖ്യമന്ത്രി പറഞ്ഞു. സംസ്ഥാനത്തെ മറ്റ് വിമാനത്താവളങ്ങളില് ആഭ്യന്തരയാത്രക്കാരുടെ എണ്ണം കൂടിയതിനാല് അവിടങ്ങളിലെ യാത്രക്കാരുടെ എണ്ണത്തില് കുറവ് വരുമെന്ന ആശങ്ക വേണ്ടെന്നും മുഖ്യമന്ത്രി പറഞ്ഞു. മുഖ്യമന്ത്രിയുടെ പ്രതിവാര സംവാദപരിപാടിയായ നാം മുന്നോട്ടില് സംസാരിക്കുകയായിരുന്നു മുഖ്യമന്ത്രി.
കണ്ണൂര് വിമാനത്താവളത്തില് യാത്രക്കാരില്ലെന്ന വാര്ത്തകള് അടിസ്ഥാനരഹിതമാണ് പ്രതീക്ഷിച്ചതിനേക്കാള് യാത്രക്കാര് വര്ദ്ധിച്ചിട്ടുണ്ടെന്നും മുഖ്യമന്ത്രി പറഞ്ഞു. സംസ്ഥാനത്തെ വിമാനത്താവളങ്ങളെ കോര്ത്തിണക്കി കൂടുതല് സര്വീസുകള് വേണമെന്ന് മുഖ്യമന്ത്രി പറഞ്ഞു. സിവില് ഏവിയേഷന് മന്ത്രാലയവുമായി ഇതു സംബന്ധിച്ച് ചര്ച്ചകള് നടത്തിവരുകയാണ്. അവര് അനുകൂല നിലപാടാണ് സ്വീകരിച്ചിട്ടുള്ളതെന്നും മുഖ്യമന്ത്രി പറഞ്ഞു. കോവളം ബേക്കല് ദേശീയ ജലപാതയിലൂടെ അടുത്തവര്ഷം സഞ്ചരിക്കാന് കഴിയും. വിനോദസഞ്ചാരികളെ ആകര്ഷിക്കുന്നതിന് രണ്ടര കി.മീ ഇടവിട്ട് ഒരു ടൂറിസ്റ്റ് കേന്ദ്രം ഉണ്ടാവും. അവിടെ പ്രാദേശിക കലാരൂപങ്ങളും നാടന് ഭക്ഷണവും മറ്റും ആസ്വദിക്കാനാവും. കൊച്ചി വാട്ടര്മെട്രോ അന്താരാഷ്ട്ര നിലവാരത്തിലാണ് നിര്മിക്കാന് ശ്രമിക്കുന്നത്.
തലശേരി - മൈസൂര് റെയില്പ്പാത യാഥാര്ഥ്യമാകുമെന്ന് പ്രതീക്ഷിക്കുന്നതായും മുഖ്യമന്ത്രി പറഞ്ഞു. കര്ണാടകവുമായി ഇതേപ്പറ്റി ചര്ച്ച നടത്തിവരികയാണ്. ഈ പാത സംസ്ഥാനത്ത് വലിയ മാറ്റം ഉണ്ടാക്കും. കണ്ണൂര് വിമാനത്താവളം യാഥാര്ത്ഥ്യമായതോടെ കുടക് മുതലുള്ള യാത്രക്കാര്ക്ക് ഈ പാതയുടെ പ്രയോജനപ്പെടും. 66.000 കോടി രൂപയാണ് ഇതിന്റെ ചെലവ് പ്രതീക്ഷിക്കുന്നത്. പണം കണ്ടെത്താനുള്ള ചര്ച്ചകള് നടക്കുന്നുണ്ട്. പണം മുടക്കാന് പലരും സന്നദ്ധത അറിയിച്ചിട്ടുണ്ട്. ഈ പാതയില് കാസര്കോട് മുതല് തിരൂര് വരെ ഈ പാത സമാന്തരമായാണ് പോകുന്നതെന്നും മുഖ്യമന്ത്രി പറഞ്ഞു.
https://www.facebook.com/Malayalivartha