ഇന്ത്യയ്‌ക്കെതിരായ ടി20 പരമ്പര ഇംഗ്ലണ്ടിന്. നാലാം മത്സരത്തിൽ ഒമ്പതു വിക്കറ്റിന്റെ തകർപ്പൻ ജയമാണ് ഇംഗ്ലണ്ട് കുറിച്ചത്. ഇന്ത്യയുടെ തുടർച്ചയായ രണ്ടാം ടി20 പരമ്പര തോൽവിയാണിത്. നേരത്തേ അയർലൻഡിനോടും ഇന്ത്യ പരമ്പര പരാജയപ്പെ്ട്ടിരുന്നു. 12 വർഷങ്ങൾക്കു ശേഷമാണ് ഇംഗ്ലണ്ട് ഇന്ത്യയ്‌ക്കെതിരേ ഒരു ടി20 പരമ്പര നേടുന്നത്.

ക്യാപ്റ്റൻ ശ്രേയസ് അയ്യരുടെ കീഴിൽ ഇന്ത്യയുടെ തുടർച്ചയായ രണ്ടാം ടി20 പരമ്പര തോൽവി. ക്യാപ്റ്റനായി നിയമിതനായശേഷം ഇതുവരെ ഒന്നിൽപ്പോലും വിജയം കാണാൻ ശ്രേയസ് അയ്യർക്ക് കഴിഞ്ഞിട്ടില്ല. ആദ്യ അഞ്ചു മത്സരങ്ങളിൽ ഒന്നിൽപ്പോലും ജയിക്കാത്ത ആദ്യ ഇന്ത്യൻ ക്യാപ്റ്റനാണ് ശ്രേയസ്. അയർലൻഡിനെതിരായ പരമ്പരയിലൂടെയായിരുന്നു ശ്രേയസിന്റെ ക്യാപ്റ്റൻസി അരങ്ങേറ്റം. അവിടെ രണ്ടു മത്സരങ്ങളിലും പരാജയപ്പെട്ടു. ഇംഗ്ലണ്ടിനെതിരേ ആദ്യത്തെ മൂന്നുമത്സരത്തിലും വിജയം കാണാനായിട്ടില്ല.

മത്സരത്തിൽ ടോസ് നേടി ആദ്യ ബാറ്റിങ്ങിനിറങ്ങിയ ഇന്ത്യയ്ക്ക് 20 ഓവറിൽ ഏഴു വിക്കറ്റ് നഷ്ടത്തിൽ 158 റൺസെടുക്കാനേ സാധിച്ചുള്ളൂ. മറുപടി ബാറ്റിങ്ങിൽ ഇന്ത്യൻ ബൗളർമാരെ തല്ലിത്തകർത്ത് 13.5 ഓവറിൽ ഇംഗ്ലണ്ട് ലക്ഷ്യം കണ്ടു. ഇതോടെ പരമ്പരയിൽ ഒരു മത്സരം ബാക്കിനിൽക്കേ പരമ്പര ഇംഗ്ലണ്ട് സ്വന്തമാക്കുകയായിരുന്നു (3-0).