തലസ്ഥാനത്തെ ഷോപ്പിംഗ് മാളിലെ സ്ത്രീകളുടെ വസ്ത്രശാലയില് ജീവനക്കാരനെ തൂങ്ങിമരിച്ച നിലയില് കണ്ടെത്തി, സംഭവസമയം ജീവനക്കാരനും ഒപ്പം ജോലി ചെയ്യുന്ന പെണ്കുട്ടിയും മാത്രമായിരുന്നു, വിഷ്ണുവിന്റെ മൊബൈലും സ്ഥാപനത്തിലെ സി.സി. ടിവി കാമറയും ഇന്ന് പരിശോധിക്കുമെന്ന് പോലീസ്
തലസ്ഥാനത്തെ ഷോപ്പിംഗ് മാളിലെ സ്ത്രീകളുടെ വസ്ത്രശാലയില് ജീവനക്കാരനെ തൂങ്ങിമരിച്ച നിലയില് കണ്ടെത്തി. പേട്ട ശ്രീലകത്തില് പി.വിക്രമരാജിന്റെയും രജനിയുടെയും മകന് വിഷ്ണു ( 22 ) ആണ് മരിച്ചത്. ഇന്നലെ രാത്രി 9.15ഓടെയാണ് വിഷ്ണുവിനെ ട്രയല് റൂമില് കെട്ടിത്തൂങ്ങിയ നിലയില് കണ്ടെത്തിയത്. സംഭവ സമയം വിഷ്ണുവും ഒപ്പം ജോലി ചെയ്യുന്ന പെണ്കുട്ടിയും മാത്രമാണുണ്ടായിരുന്നത്. ഇന്നലെ രാത്രി ഒന്പതര മണിയോടെയാണ് സംഭവം. സഹജീവനക്കാരിയാണ് ഇത് ആദ്യം കണ്ടത്. കടയില് വിഷ്ണുവും പെണ്കുട്ടിയും മാത്രമാണ് ജീവനക്കാരായുള്ളത്. കടയുടമ എറണാകുളം സ്വദേശിയാണ്. ഇന്നലെ കടയില് തിരക്കില്ലാത്ത സമയത്ത് വിഷ്ണു ട്രയല് റൂമിലേക്ക് കയറി വാതിലടച്ചു.
ഏറെ നേരം കഴിഞ്ഞിട്ടും പുറത്തിറങ്ങാത്തതിനാല് വാതിലില് മുട്ടിവിളിച്ചു. തുറക്കാതെ വന്നതോടെ ബലം പ്രയോഗിച്ച് വാതില് തുറന്നപ്പോള് ഷാളില് കെട്ടിത്തൂങ്ങിയ നിലയില് കാണുകയായിരുന്നെന്നാണ് പെണ്കുട്ടി പൊലീസിനോട് പറഞ്ഞത്. പെണ്കുട്ടിയുടെ നിലവിളി കേട്ട് ആള്ക്കാര് ഓടിക്കൂടുകയായിരുന്നു. വിഷ്ണുവിന്റെ മൊബൈലും സ്ഥാപനത്തിലെ സി.സി. ടിവി കാമറയും ഇന്ന് പരിശോധിക്കുമെന്ന് വഞ്ചിയൂര് പൊലീസ് പറഞ്ഞു. ആത്മഹത്യാ കുറിപ്പുണ്ടോ എന്നതും പരിശോധിക്കും. ഇന്ക്വസ്റ്റ് നടപടികളും പോസ്റ്റ്മോര്ട്ടവും ഇന്ന് നടക്കും.
"
https://www.facebook.com/Malayalivartha