കെ.ബാബുവിന്റെ കുരുക്ക് മുറുക്കി എന്ഫോഴ്സ്മെന്റ്; അനധികൃത സ്വത്ത് സമ്ബാദനകേസുപമായി ബന്ധപ്പെട്ട് എന്ഫോഴ്സ്മെന്റ് ഡയറക്ടറേറ്റ് കൊച്ചിയിലെ ഓഫീസില് വിളിച്ചുവരുത്തി ചോദ്യം ചെയ്തു
മുന് മന്ത്രി കെ.ബാബുവിന്റെ കുരുക്ക് മുറുക്കി എന്ഫോഴ്സ്മെന്റ്. അനധികൃത സ്വത്ത് സമ്ബാദനകേസുപമായി ബന്ധപ്പെട്ട് കെ.ബാബുവിനെ എന്ഫോഴ്സ്മെന്റ് ഡയറക്ടറേറ്റ് കൊച്ചിയിലെ ഓഫീസില് വിളിച്ചുവരുത്തി ചോദ്യം ചെയ്തു. 2001 മുതല് 2016 വരെയുള്ള കാലയളവില് ബാബു 49 ശതമാനം അനധികൃത സ്വത്ത് നേടിയെന്ന് വിജിലന്സ് കണ്ടെത്തിയിരുന്നു. ഇക്കാര്യത്തില് 2018ല് കുറ്റപത്രവും നല്കിയിരുന്നു. ഇതിന്റെ അടിസ്ഥാനത്തിലാണ് ചോദ്യം ചെയ്യൽ.
ഇടപാടുകളെക്കുറിച്ച് എന്ഫോഴ്സ്മെന്റ് സംഘം ചോദിച്ചറിഞ്ഞെന്നാണ് വിവരം. 28.82 ലക്ഷം രൂപ അനധികൃതമായി സമ്ബാദിച്ചതായാണ് വിജിലന്സ് കണ്ടെത്തൽ. ഇതിന്റെ അടിസ്ഥാനത്തില് വിചാരണ നേരിടണമെന്ന് മൂവാറ്റുപുഴ വിജിലന്സ് കോടതി ആവശ്യപ്പെട്ടിരുന്നു. വിജിലന്സ് കോടതി ഉത്തരവിനെതിരെ ബാബു ഹൈക്കോടതിയെ സമീപിച്ചിട്ടുണ്ട്.
കെ.ബാബുവിനെതിരെ വിജിലന്സ് അന്വേഷണം ആരംഭിച്ചപ്പോള് തന്നെ എന്ഫോഴ്സ്മെന്റ് ഡയറക്ടറേറ്റ് പ്രാഥമികമായ അന്വേഷണം നടത്തിയിരുന്നു. കെ.ബാബുവിന്റെ ബന്ധുക്കള് ഉള്പ്പെടെയുള്ളവരുടെ വീടുകളിലും അദ്ദേഹത്തിന്റെ ഓഫീസുകളിലുമൊക്കെ പരിശോധന നടത്തിയപ്പോള് എന്ഫോഴ്സ്മെന്റും ഈ കേസ് ശ്രദ്ധിച്ചിരുന്നു.
150 കോടിയുടെ സാമ്പത്തിക ഇടപാടുകള് കെ.ബാബുവിനും കൂട്ടര്ക്കുമെതിരേ വിജിലന്സ് തുടക്കത്തില് ഉന്നയിച്ചിരുന്നു. ഈ സാഹചര്യത്തിലാണ് എന്ഫോഴ്സ്മെന്റും കേസില് ഇടപെട്ടത്. എന്നാല് വിജിലന്സ് അന്വേഷണം പൂര്ത്തിയായപ്പോള് വരവില് കവിഞ്ഞ സ്വത്ത് 25 ലക്ഷമായി കുറഞ്ഞു. തന്റെ ആസ്തി വിവരങ്ങള് കണക്കുകൂട്ടിയതില് വിജിലന്സിന് പിഴവ് സംഭവിച്ചുവെന്ന നിലപാടിലാണ് കെ. ബാബു.
https://www.facebook.com/Malayalivartha