കോവിഡ് 19; ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകാനൊരുങ്ങി ആരോഗ്യ വകുപ്പ് മന്ത്രിയുടെ ഓഫീസ് ജീവനക്കാര്...സന്നദ്ധത അറിയിച്ചത് സർക്കാർ മുന്നോട്ട് വെച്ച സാലറി ചലഞ്ചിന് പിന്നാലെ
സംസ്ഥാനത്ത് കോവിഡ് 19 ബാധയുടെ പശ്ചാത്തലത്തില് ആരോഗ്യ വകുപ്പ് മന്ത്രിയുടെ ഓഫീസ് ജീവനക്കാര് ഒരുമാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകുന്നു. കൊറോണയുടെ പശ്ചാത്തലത്തിൽ സംസ്ഥാനത്തിന്റെ സാമ്പത്തിക ബുദ്ധിമുട്ട് പരിഗണിച്ച് സർക്കാർ ജീവനക്കാരിൽനിന്നും അധ്യാപകരിൽനിന്നും ഒരുമാസത്തെ ശമ്പളം സാലറി ചലഞ്ചായി വാങ്ങാൻ സർക്കാർ തീരുമാനമെടുത്തിരുന്നു. ഇതിനുപിന്നാലെയാണ് ആരോഗ്യ വകുപ്പ് മന്ത്രിയുടെ ഓഫീസ് ജീവനക്കാര് സംഭാവന നല്കാൻ സന്നദ്ധരായി മുന്നോട്ടുവന്നിരിക്കുന്നത്. ജീവനക്കാരുടെ വിവിധ സംഘടനകളുമായി മുഖ്യമന്ത്രി പിണറായി വിജയൻ ചർച്ചനടത്തിയിരുന്നു . ജീവനക്കാരുടെ ആവശ്യം പരിഗണിച്ച് ഗഡുക്കളായി നൽകാനുള്ള അവസരം നൽകുമെന്നും മുഖ്യമന്ത്രി പറഞ്ഞു.
പ്രളയസമയത്ത് ഭൂരിപക്ഷം ജീവനക്കാരും ശമ്പളംനൽകാൻ തയ്യാറായിരുന്നു . സമാന അഭ്യർഥനയാണ് ജീവനക്കാരുടെ മുന്നിൽ സർക്കാർ ഇപ്പോൾ വെക്കുന്നത്. ഒരുമാസത്തെ ശമ്പളം നിർബന്ധമായി നൽകണമെന്നാണോ സർക്കാർ ആവശ്യപ്പെടുന്നതെന്ന ചോദ്യത്തിന് ഇപ്പോഴത്തെ സ്ഥിതി എല്ലാവർക്കും അറിയാവുന്നതല്ലേ, അതിലൊരു ഭിന്നാഭിപ്രായം ആർക്കും ഉണ്ടാകില്ലല്ലോ എന്നും മുഖ്യമന്ത്രി പറഞ്ഞു.
അതേസമയം ലോകമൊട്ടാകെ കോവിഡ് വ്യാപനം അനിയന്ത്രിതമാകുകയാണ്. രോഗികളുടെ എണ്ണം എട്ടുലക്ഷത്തോളമെടുക്കുന്നു. ഏഴുലക്ഷത്തിൽ കൂടുതൽ ആളുകൾക്കാണ് ലോകമൊട്ടാകെ രോഗം ഇതുവരെ സ്ഥിതീകരിച്ചത്. 37840 പേരാണ് ഇതുവരെ രോഗം ബാധിച്ച് മരിച്ചത്. ഇന്ത്യയിൽ ഇതുവരെ 1251 പേർക്ക് കോവിഡ് സ്ഥിതീകരിച്ചു. 32 പേര് ഇന്ത്യയിൽ രോഗബാധയേറ്റ് മരിച്ചു. കേരളത്തിൽ 234 പേർക്ക് രോഗബാധയേറ്റു. മരണം രണ്ടായി.
https://www.facebook.com/Malayalivartha