ഷാഫി പറമ്പിലിന് കൊവിഡെന്ന് പ്രചരണം സിപിഎം നേതാവിനെ പൊക്കി പോലീസ്; സൈബര് തെമ്മാടികളെ തുരത്തി കോണ്ഗ്രസ് എന്താണെന്ന് ബോധ്യപ്പെടുത്തി തരാമെന്ന് വിഡി സതീശന്
യൂത്ത് കോണ്ഗ്രസ് സംസ്ഥാന അധ്യക്ഷനും എംഎല്എയുമായ ഷാഫി പറമ്പിലിന് കോവിഡ് ബാധിച്ചെന്ന് വ്യാജസന്ദേശം പ്രചരിപ്പിച്ച സി.പി.എം. നേതാവ് അറസ്റ്റില്. പുന്നയൂര്ക്കുളം ലോക്കല് കമ്മിറ്റി അംഗവും കര്ഷക സംഘം ചാവക്കാട് ഏരിയ സെക്രട്ടറി പുന്നയൂര്ക്കുളം പഞ്ചായത്ത് മുന് പ്രസിഡന്റുമായ സി.ടി. സോമരാജനെയാണ് യൂത്ത് കോണ്ഗ്രസ് തൃശൂര് ജില്ലാ പ്രസിഡന്റ് അഡ്വ ഒ.ജെ. ജെനീഷ് തൃശ്ശൂര് സിറ്റി പൊലീസ് കമ്മീഷണര്ക്ക് നല്കിയ പരാതിന്മേല് അറസ്റ്റ് ചെയ്തത്.
'ഷാഫി പറമ്പിലിന് കോവിഡ് ബാധ. സാമൂഹിക അകലം പാലിക്കുന്നത് നന്നായിരിക്കും' എന്നാണ് ഇയാള് ഫെയ്സ്ബുക്കില് കുറിച്ചത്. വാളയാറില് കുടുങ്ങി കിടക്കുന്ന മലയാളികള്ക്ക് വേണ്ടി ഷാഫി ഇടപെട്ടതിന് പിന്നാലെയാണ് ഇത്തരത്തില് പോസ്റ്റിട്ടത്. ഇതിനെതിരെ കോണ്ഗ്രസ് ശക്തമായി രംഗത്തെത്തിയിരുന്നു.
കോവിഡ് ഭീതി നിലനില്ക്കുമ്പോള് സജീവമായി ഇടപെടുന്ന ഒരു എംഎല്എക്കെതിരെ ഇത്തരമൊരു പ്രചാരണം നടത്തിയത് ഗുരുതരമായ കുറ്റമാണെന്ന് കോണ്ഗ്രസ് ചൂണ്ടിക്കാട്ടുന്നു. ഇതേ കുറിച്ച് വി.ഡി സതീശന് ഫെയ്സ്ബുക്കില് കുറിച്ചതിങ്ങനെ. 'ഷാഫി പറമ്പില് എം എല് എ ക്ക് കൊവിഡ് ബാധിച്ചുവെന്ന് ഒരു സിപിഎം നേതാവ് ഫെയ്സ്ബുക്കില് പോസ്റ്റിട്ടു.
ഷാഫി പറമ്പില് എംഎല്എക്ക് കൊവിഡ് ബാധിച്ചുവെന്ന് ഒരു സിപിഎം നേതാവ് ളയയില് പോസ്റ്റിട്ടുവെന്നും മര്യാദകളുടെ സകല സീമകളും ലംഘിച്ചുകൊണ്ട് സിപിഎമ്മുകാര് കോണ്ഗ്രസിനെതിരായി ഈ കൊവിഡ് കാലത്ത് വ്യാജപ്രചരണങ്ങള് നടത്തുകയാണെന്നും അദ്ദേഹം ആരോപിച്ചു. കേരളത്തിലെ എല്ലാ കോണ്ഗ്രസ്സ് പ്രവര്ത്തകരും അനുഭാവികളും ഒറ്റക്കെട്ടായി നിന്ന് ഈ സൈബര് തെമ്മാടികളെ തുരത്തുക തന്നെ ചെയ്യുമെന്നും കോണ്ഗ്രസ് എന്താണെന്ന് ബോധ്യപ്പെടുത്തി തരാമെന്നും സതീശന് പറയുന്നു.
https://www.facebook.com/Malayalivartha