കത്തുന്ന ചൂടിന് ആശ്വാസമേകാൻ വേനൽ മഴ... വിവിധ ജില്ലകളിൽ ഇന്ന് മഴ ലഭിച്ചേക്കും. 5 ജില്ലകളിൽ മഴ ലഭിച്ചേക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.. . തിരുവനന്തപുരം, കൊല്ലം, പത്തനംതിട്ട, ഇടുക്കി, മലപ്പുറം, ജില്ലകളിലാണ് മഴയ്ക്ക് സാധ്യത....
കത്തുന്ന ചൂടിന് ആശ്വാസമേകാൻ വേനൽ മഴ. വിവിധ ജില്ലകളിൽ ഇന്ന് മഴ ലഭിച്ചേക്കും. 5 ജില്ലകളിൽ മഴ ലഭിച്ചേക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. തിരുവനന്തപുരം, കൊല്ലം, പത്തനംതിട്ട, ഇടുക്കി, മലപ്പുറം, ജില്ലകളിലാണ് മഴയ്ക്ക് സാധ്യത. എന്നാൽ എവിടെയും അലേർട്ടുകൾ ഒന്നും പ്രഖ്യാപിച്ചിട്ടില്ല. കൊല്ലം ജില്ലയിൽ അടുത്ത മണിക്കൂറിൽ ഒട്ടപ്പെട്ടയിടങ്ങളിൽ ഇടിമിന്നലോട് കൂടിയ മഴ ലഭിക്കുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
ചൊവ്വ, ബുധൻ ദിവസങ്ങളിൽ സംസ്ഥാനത്തെ മുഴുവൻ ജില്ലകളിലും മഴ ലഭിക്കും. ചൊവ്വാഴ്ച വയനാട്ടിലും ബുധനാഴ്ച മലപ്പുറത്തും യെല്ലോ അലേർട്ടും പ്രഖ്യാപിച്ചിട്ടുണ്ട്.
അതെ സമയം കള്ളക്കടൽ പ്രതിഭാസത്തിൻ്റെ ഭാഗമായി കേരള തീരത്തും, തെക്കൻ തമിഴ്നാട് തീരത്തും ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) ഓറഞ്ച് അലർട്ട് പ്രഖ്യാപിച്ചിട്ടുണ്ട്.
മഴക്കാല മുന്നൊരുക്കങ്ങളുമായി ബന്ധപ്പെട്ട വിഷയങ്ങള് അവലോകനം ചെയ്ത് എറണാകുളം കളക്ടര് എന്എസ്കെ ഉമേഷ്. കേന്ദ്ര കലാവസ്ഥാ വകുപ്പ് ലഭ്യമാക്കിയിട്ടുള്ള ദീര്ഘകാല പ്രവചനം അനുസരിച്ച് മണ്സൂണ് മഴ രാജ്യത്താകമാനം സാധാരണയില് കൂടുതല് (106% + 5%) ആവാനുള്ള സാധ്യതയാണുള്ളതെന്ന് കളക്ടര് യോഗത്തില് പറഞ്ഞു. ദക്ഷിണേഷ്യന് രാജ്യങ്ങളുടെ ഔദ്യോഗിക കാലാവസ്ഥാ ഏജന്സികളുടെ കൂട്ടായ്മയായ സൗത്ത് ഏഷ്യന് സീസണല് ക്ലൈമറ്റ് ഔട്ട്ലുക്ക് ഫോറം കേരളത്തില് ഇത്തവണ സാധാരണയില് കൂടുതല് കാലവര്ഷ മഴ ലഭിക്കാനുള്ള സാധ്യത പ്രവചിക്കുന്നു. ഈ സാഹചര്യത്തില് മഴക്കാല മുന്നൊരുക്ക പ്രവര്ത്തനങ്ങള് ഊര്ജിതമാക്കണമെന്നും കളക്ടര് നിര്ദേശിച്ചു.
മഴക്കാല മുന്നൊരുക്കവുമായി ബന്ധപ്പെട്ട് വിവിധ വകുപ്പുകള് സ്വീകരിക്കേണ്ട നടപടികള് ജില്ലാ മെഡിക്കല് ഓഫീസര് അവതരിപ്പിച്ചു. തൊഴിലുറപ്പ് തൊഴിലാളികളും മണ്ണില് പണിയെടുക്കുന്നവരും ഡോക്സിസൈക്ലിന് ഗുളികകള് കഴിക്കണം. ഡെങ്കിപ്പനി, എലിപ്പനി തുടങ്ങിയ പകര്ച്ചവ്യാധികള് തടയാന് കര്ശന നടപടികള് വേണം. കൊതുക് സാന്ദ്രതയിലെ വര്ധന, കാലാവസ്ഥയിലെ മാറ്റം, അതിഥി തൊഴിലാളി ക്യാംപുകളിലെ മലിനീകരണം, വളര്ത്തുമൃഗങ്ങള് വഴിയുള്ള രോഗപ്പകര്ച്ച തുടങ്ങിയവയാണ് പകര്ച്ചവ്യാധിയുടെ മുഖ്യകാരണങ്ങള്. മഴക്കാല രോഗങ്ങളുമായി ബന്ധപ്പെട്ട മരുന്നുകളുടെ ലഭ്യത ഉറപ്പാക്കിയിട്ടുണ്ടെന്നും അവര് അറിയിച്ചു. സ്പാര്ക്ക് ഹാളില് ചേര്ന്ന യോഗത്തില് ദുരന്ത നിവാരണ വിഭാഗം ഡെപ്യൂട്ടി കളക്ടര് വി.ഇ അബ്ബാസ്, വിവിധ വകുപ്പ് ഉദ്യോഗസ്ഥര് എന്നിവരും ജില്ലയിലെ തദ്ദേശ സ്ഥാപനങ്ങളിലെ സെക്രട്ടറിമാര് ഓണ്ലൈനായും പങ്കെടുത്തു.
https://www.facebook.com/Malayalivartha