ആപ് എത്തിയതോടെ ഡൗണ്ലോഡിംഗ് തുടങ്ങി.... ആപ്പ് പ്ലേ സ്റ്റോറിലെത്തി മിനിറ്റുകള്ക്കകം ഡൗണ്ലോഡ് ചെയ്തത് പതിനായിരങ്ങള്, പക്ഷെ നിരാശയെന്ന് മദ്യസ്നേഹികള്....
രാവിലെ മുതല് തുടങ്ങിയതാണ് കാത്തിരിപ്പ്. ഇതുവരെ പറഞ്ഞതുപോലെയല്ല ഉറപ്പായും വരുമെന്ന് എല്ലാവരും പറഞ്ഞ ദിവസമാണ്. സെര്ച്ച് ചെയ്തു കൈ കഴച്ചു. എപ്പോള് ബവ് ക്യൂ എന്നടിച്ച് നോക്കിയാലും വരുന്നത് ആരോഗ്യ സേതുവും കൃഷിമലയാളം ആപ്പുമാണ്. എസ്എംഎസ് അയയ്ക്കാമെന്നു പറഞ്ഞപ്പോള് പത്ത് പതിനഞ്ചെണ്ണം ചറപറാ അയച്ചു. ഒരു മൈന്ഡുമില്ല. കാശുപോയോ ആവോ ? ഒരു പെഗ്ഗിന്റെ കാശുപോയിക്കാണും.
എന്റെ ഫോണിന്റെ കുഴപ്പമാണോന്നറിയാന് ഗ്ലാസ്മേറ്റ്സിനെയൊക്കെ വിളിച്ചു നോക്കി.ഒരു രക്ഷയും ഇല്ലെന്ന് അവരും പറഞ്ഞപ്പോഴാണ് കുറച്ചൊരു സമാധാനമായത്. ഉച്ചയോടെ ആപ് വന്നേന്ന് പറഞ്ഞ് ഫോണ് വന്നു. നോക്കിയപ്പോള് ശരിയാ... നല്ല ചൊമല കളറില് ആപ് റെഡി. ഡൗണ്ലോഡ് ചെയ്തു.ബുക്ക് ചെയ്തു. ക്യൂ നമ്പറും കിട്ടി. ആകെയൊരു ജഗപൊഗ. പിന്നീടാ ഒരു കാര്യം ശ്രദ്ധിച്ചത്.
രജിസ്ട്രേഷന് നടത്താന് സാധിക്കുന്നില്ല. ഒ.ടി.പി ലഭിക്കുന്നില്ല തുടങ്ങിയ പരാതികളാണ് ഉപഭോക്താക്കള് ചൂണ്ടിക്കാട്ടുന്നത്. പ്ലേസ്റ്റോറില് ആപ്പ് എത്തിയിട്ടുണ്ടെങ്കിലും സെര്ച്ചില് ലഭ്യമാകുന്നില്ല. ആപ്പ് നിര്മാതാക്കളായ ഫെയര്കോഡ് ടെക്നോളജി പുറത്തുവിട്ട ലിങ്ക് വഴിയാണ് നിലവില് ആപ്പ് ആളുകള് ലോഡ്ചെയ്യുന്നത്. പ്ലേസ്റ്റോറില് ബെവ് ക്യൂ ആപ്പിന്റെ പ്രതികരണ ബോക്സ് നിറയെ ആളുകളുടെ പ്രതിഷേധ അഭിപ്രായങ്ങളാണ്.
ലോക്ക്ഡൗണിന്റെ ഭാഗമായി അടച്ചുപൂട്ടിയ സംസ്ഥാനത്തെ മദ്യവില്പന ശാലകള് ഇന്നുമുതലാണ് പ്രവര്ത്തനം പുനരാരംഭിക്കുന്നത്. ബെവ്ക്യൂ (ആല്ഝ) മൊബൈല് ആപ് വഴിയും എസ്.എം.എസിലൂടെയും മദ്യം വാങ്ങാനുള്ള ടോക്കണ് എടുത്തവര്ക്ക് മാത്രമെ മദ്യം നല്കൂ. വൈകീട്ട് അഞ്ചുവരെയാണ് പ്രവര്ത്തനസമയം.
മദ്യവില്പനശാലയിലെ ക്യൂവില് ഒരേ സമയം അഞ്ചുപേര്ക്ക് മാത്രമേ നില്ക്കാനാവൂ. പോലീസിന്റെ കടുത്ത നിയന്ത്രണവും ഉണ്ടാകും.
മദ്യം വാങ്ങാന് ഇനി കൃത്യസമയം പാലിക്കണം. ടോക്കണില് നല്കിയിട്ടുള്ള സമയത്തുതന്നെ എത്തണം. വൈകിവരുന്നവര്ക്ക് മദ്യം ലഭിക്കില്ല. അടുത്ത ബുക്കിങ് വേണ്ടിവരും. നാലുദിവസം കഴിഞ്ഞുമാത്രമേ വീണ്ടും മദ്യം വാങ്ങാന് കഴിയൂ. ടോക്കണ് ഇല്ലാത്തവര്ക്ക് മദ്യം നല്കില്ല.
സാധാരണ ഫോണുകള് ഉള്ളവര്ക്ക് എസ്.എം.എസ്. വഴി മദ്യം വാങ്ങുന്നതിന് ടോക്കണ് എടുക്കാം. മദ്യത്തിനും ബിയറിനും പ്രത്യേക ബുക്കിങ് കോഡുകളാണ്. വിദേശമദ്യം വാങ്ങണമെങ്കില് ആഘ എന്ന് ഇംഗ്ലീഷില് ടൈപ്പുചെയ്ത് ഒരു സ്പേസ് വീതം അകലംനല്കി പിന്കോഡ്, പേര് എന്നിവ രേഖപ്പെടുത്തി എസ്.എം.എസ്. അയയ്ക്കണം.
ബിയര്, വൈന് എന്നിവ വാങ്ങുന്നതിന് ആണ എന്ന കോഡാണ് ആദ്യം നല്കേണ്ടത്. ഇതിനുശേഷം ഒരു സ്പേസിട്ട് പിന്കോഡും പേരും ടൈപ്പ് ചെയ്യണം.
എസ്.എം.എസ്. അയച്ചുകഴിഞ്ഞാലുടന് ബുക്കിങ് ഉറപ്പുവരുത്തി മെസേജ് ലഭിക്കും. അതില് പറയുന്ന സമയത്ത് കടയിലെത്തി മദ്യം വാങ്ങണം.
ഗൂഗിള് പ്ലേ സ്റ്റോര്, ആപ് സ്റ്റോര് എന്നിവയില്നിന്നും ആല്ഝ ആപ്പ് ഡൗണ്ലോഡ് ചെയ്യുക. ഉപഭോക്താവിന്റെ പേര്, മൊബൈല് നമ്പര്, ബുക്ക് ചെയ്യാന് ഉദ്ദേശിക്കുന്ന സ്ഥലത്തെ പിന്കോഡ് എന്നിവ നല്കി രജിസ്റ്റര് ചെയ്യണം. മൊബൈലിലേക്ക് വരുന്ന ഒറ്റത്തവണ പാസ്വേര്ഡ് നല്കി രജിസ്ട്രേഷന് പൂര്ത്തീകരിക്കണം.
ഷോപ്പുകളില് അനുവദനീയമായ സമയം അറിയാനാകും. ഇതനുസരിച്ച് ബുക്ക് ചെയ്യാം. സ്ഥിരീകരിച്ചാല് ക്യൂ.ആര്. കോഡ്, ടോക്കണ് നമ്പര്, ഔട്ട്ലെറ്റിന്റെ വിവരങ്ങള്, സമയക്രമം എന്നിവ ലഭിക്കും. മദ്യം വാങ്ങാനെത്തുമ്പോള് ബുക്കിങ്ങിനുപയോഗിച്ച മൊബൈല് ഹാജരാക്കണം. ആപ്പില് ലഭിച്ചിട്ടുള്ള ടോക്കണിന്റെ സാധുത പരിശോധിക്കാനുള്ള സംവിധാനം മദ്യവില്പ്പന കേന്ദ്രങ്ങളിലുണ്ട്. മദ്യം വാങ്ങാനെത്തുന്നവര് ഫോട്ടോ പതിച്ച തിരിച്ചറിയല് കാര്ഡ് കരുതണം. വോട്ടേഴ്സ് ഐ.ഡി., ആധാര്, ഡ്രൈവിങ് ലൈസന്സ്, പാസ്പോര്ട്ട് എന്നിവയാണ് അംഗീകൃത രേഖകള്.
ഉച്ചയ്ക്ക് ബുക്ക് ചെയ്ത എനിക്ക് രാവിലെ തന്നെ ക്യൂവില് നില്ക്കാന് ക്ഷണം. ഇന്നസെന്റ് ചോദിച്ചതുപോലെ 'പുറപ്പെട്ടു...വേണമെങ്കില് കുറച്ചു നേരത്തേ പുറപ്പെടാം എന്ന സ്ഥിതി.'എനിക്ക് പ്രാന്തായതാണോ അതോ ആപ്പുകാര്ക്ക് പ്രാന്തായതാണോ എന്നു പറഞ്ഞ് കുറച്ചു നേരം ഇരുന്നപ്പോഴാണ് അത് ട്രയല് റണ്ണാണെന്ന് അറിഞ്ഞത്. വൈകിട്ട് 3.30ന് എക്സൈസ് മന്ത്രി പത്രസമ്മേളനം വിളിച്ചെന്നു പറഞ്ഞപ്പോ ഓടിപ്പോയി ടീവീടെ മുന്നിലിരുന്നു.
അതിലും ഒരു തീര്പ്പുമായില്ല. പുറത്ത് ഇരുട്ടിനു കനം കൂടി. മൊബൈലില് തിരഞ്ഞപ്പോള് ' വെറുതേയാണെങ്കിലും ഇങ്ങനെയൊന്നും പറയല്ലേ സാറേ...'' എന്ന സുരാജിന്റെ ട്രോള് എന്റെ നെഞ്ചില് തട്ടി. നിരാശയില് നിന്നു തമാശകള് ഉണ്ടാകുമോ?കാത്തിരിപ്പിനൊടുവില് രാത്രി 11ന് ആപ് വന്നു. എങ്ങനെയൊക്കെയോ ബുക്ക് ചെയ്തു. 'സംഗതി' എപ്പോള് കയ്യില് കിട്ടുമോ ആവോ...?
ഓണ്ലൈന് മദ്യ വില്പനയ്ക്കുള്ള ബെവ് ക്യൂ ആപ്പ് പ്ലേ സ്റ്റോറില് എത്തി. ആവശ്യക്കാര്ക്ക് ഡൗണ്ലോഡ് ചെയ്യാം. അപ്പ് പ്ലേ സ്റ്റോറിലെത്തി മിനിറ്റുകള്ക്കകം പതിനായിരങ്ങളാണ് ഡൗണ്ലോഡ് ചെയ്തത്.
നേരത്തെ, ബീറ്റാ വേര്ഷന് ഡൗണ്ലോഡ് ചെയ്തവര്ക്ക് ആപ്പ് അപ്ഡേറ്റ് ചെയ്ത് ഉപയോഗിക്കാം. ആപ്പ് പ്ലേ സ്റ്റോറില് ലഭ്യമായതായി ഫേസ്ബുക്ക് പേജിലൂടെ ഫെയര്കോഡ് ടെക്നോളജീസ് അറിയിക്കുകയായിരുന്നു.
ആപ്പ് കാത്തുകാത്തിരുന്നവര്ക്ക് പിന്നീടാണ് യഥാര്ഥ വെല്ലുവിളി നേരിട്ടത്. ആദ്യം പേരും ഫോണ്നന്പറും പിന്കോഡും നല്കി കാത്തിരുന്നിട്ടും ഒടിപി നന്പര് വന്നില്ല. ചെയ്തത് തന്നെ വീണ്ടും വീണ്ടും ആവര്ത്തിച്ച് ആവശ്യക്കാര് ആപ്പിനോട് മല്ലിട്ടു. ഒടുവില്, 11.30നു ശേഷം കാത്തിരുന്ന നിമിഷമെത്തി. ഒടിപി കിട്ടി.
പക്ഷേ, അവിടെയും തീര്ന്നില്ല, ഫിനിഷിംഗ് ലൈനില് എത്തി മത്സരം തീര്ന്നെന്ന് ഉറപ്പിച്ചവനോട് ഒരു റൗണ്ടുകൂടി ഉണ്ടെന്ന് പറഞ്ഞ പ്രതീതി. വന്നു അടുത്ത മസേജ്. രാവിലെ ആറുമുതല് രാത്രി 11.30 വരെ മാത്രമേ മദ്യം ബുക്ക് ചെയ്യാന് സാധിക്കൂ. കാത്തുകാത്തിരുന്നവര്ക്ക് നിരാശ ഫലം.
https://www.facebook.com/Malayalivartha