കണ്ണീര്ക്കാഴ്ചയായി...നഴ്സിങ് ജോലിക്കായി യു.കെ യിലേക്കുപോകാന് നെടുമ്പാശ്ശേരി വിമാനത്താവളത്തിലെത്തിയ പെണ്കുട്ടി കുഴഞ്ഞുവീണു, ഉടന് ആശുപത്രിയില് എത്തിച്ചെങ്കിലും ചികിത്സയിലിരിക്കെ മരിച്ചു, സങ്കടം സഹിക്കാനാവാതെ നിലവിളിച്ച് വീട്ടുകാര്
കണ്ണീര്ക്കാഴ്ചയായി...നഴ്സിങ് ജോലിക്കായി യു.കെ യിലേക്കുപോകാന് നെടുമ്പാശ്ശേരി വിമാനത്താവളത്തിലെത്തിയ പെണ്കുട്ടി കുഴഞ്ഞുവീണു, ഉടന് ആശുപത്രിയില് എത്തിച്ചെങ്കിലും ചികിത്സയിലിരിക്കെ മരിച്ചു, സങ്കടം സഹിക്കാനാവാതെ നിലവിളിച്ച് വീട്ടുകാര്
പള്ളിപ്പാട് നീണ്ടൂര് കൊണ്ടൂരേത്ത് സുരേന്ദ്രന്റെ മകള് സൂര്യ സുരേന്ദ്രനാ (24)ണ് മരിച്ചത്. പരുമലയിലെ സ്വകാര്യ ആശുപത്രയിലായിരുന്നു ചികിത്സ.
ഞായറാഴ്ച രാവിലെ 11.30-ന് ബന്ധുക്കള്ക്കൊപ്പം നെടുമ്പാശ്ശേരിയിലേത്തി. രാത്രി എട്ടരയ്ക്കുള്ള വിമാനത്തിലാണ് പോകാനിരുന്നത്. എന്നാല്, വരുന്ന വഴി സൂര്യ ഇടയ്ക്കിടെ ഛര്ദ്ദിച്ചിരുന്നു. ചെക്ക് ഇന് ചെയ്യാനായി സൂര്യ വിമാനത്താവളത്തില് പ്രവേശിച്ചതിന് പിന്നാലെ കുഴഞ്ഞുവീഴുകയായിരുന്നു.തുടര്ന്ന്, അങ്കമാലിയിലെ സ്വകാര്യ ആശുപത്രിയിലും അവിടെ നിന്ന് പരുമലയിലെ ആശുപത്രിയിലുമെത്തിച്ചു. ചികിത്സയിലിരിക്കെ തിങ്കളാഴ്ച മരിച്ചു.
യാത്രക്ക് മുമ്പേ സമീപത്തെ വീട്ടിലെ അരളിപ്പൂവ് കടിച്ചിരുന്നതായി സൂര്യ ഡോക്ടര്മാരോട് പറഞ്ഞു. പൂവിന്റെ അലര്ജി കാരണമാണോ മരണമെന്ന് പോസ്റ്റ്മോര്ട്ടം റിപ്പോര്ട്ടിനും ഫോറന്സിക് പരിശോധനക്കും ശേഷമേ വ്യക്തമാകൂവെന്ന് ഡോക്ടര്മാര് . ചൊവ്വാഴ്ചയായിരുന്നു പോസ്റ്റ്മോര്ട്ടം.
https://www.facebook.com/Malayalivartha