മിന്നലാക്രമണം ഇനി കൊച്ചിയിലേക്ക്... ദുബായില്‍ ആരുമറിയാതെ പോയി പൊക്കേണ്ടവരെ പൊക്കി ചോദ്യം ചെയ്ത് മൂന്ന് ദിവസത്തിനകം തിരിച്ചെത്തിയ എന്‍ഐഎ സംഘത്തിന് അജിത് ഡോവലിന്റെ അഭിനന്ദനം; ദുബായില്‍ നിന്നും കിട്ടിയ നിര്‍ണായക തെളിവുകള്‍ വച്ച് കൊച്ചിയിലുള്ള സ്വപ്നയേയും കൂട്ടരേയും ചോദ്യം ചെയ്യാനുറച്ച് അന്വേഷണ സംഘം; ഒരു കിലോ സ്വര്‍ണത്തിന്റെ കഥയും പൊളിച്ചടുക്കും
എത്ര വേഗമാണ് സ്വപ്ന സുരേഷ് മുഖ്യ പ്രതിയായ സ്വര്‍ണക്കടത്ത് കേസ് അന്വേഷിക്കുന്നത്. പ്രധാന ദേശീയ അന്വേഷണ ഏജന്‍സികളുടെ എല്ലാം പ്രധാന അന്വേഷണമായി മാറിയിരിക്കുകയാണ് ഈ രാജ്യാന്തര സ്വര്‍ണക്കടത്ത് കേസ്. ഇതിന് ചുക്കാന്‍ പിടിക്കുന്നതാകട്ടെ പ്രധാനമന്ത്രിയുടെ സുരക്ഷാ ഉപദേഷ്ടാവ് അജിത് ഡോവലും. കാശ്മീരിലെ സമാധാനത്തിനും ചൈനയുടെ അഹങ്കാരം ശമപ്പിക്കലിനും ശേഷം രാജ്യ സുരക്ഷയെ ബാധിക്കുന്ന വലിയൊരു ദൗത്യമാണ് അജിത് ഡോവലിന് മുന്നിലുണ്ടായിരുന്ന സ്വര്‍ണക്കടത്ത് കേസ്. ഒന്നും കാണാതെ അജിത് ഡോവല്‍ ഒരു കേസും ഏറ്റെടുക്കില്ല. അജിത് ഡോവലിന്റെ മേല്‍നോട്ടത്തില്‍ റോക്കറ്റ് വേഗത്തിലാണ് അന്വേഷണം പുരോഗമിക്കുന്നത്. അല്ലെങ്കില്‍ മൂന്നുനാള്‍ കൊണ്ട് ദുബായില്‍ പോയി നിര്‍ണായക തെളിവ് എന്‍ഐഎയ്ക്ക് ശേഖരിക്കാന്‍ കഴിയുമായിരുന്നോ.
കഴിഞ്ഞ ദിവസമാണ് ദുബായിലെ നിര്‍ണായക നീക്കം നടത്തിയ എന്‍ഐഎ സംഘം ദൗത്യം പൂര്‍ത്തിയാക്കി ഇന്ത്യയിലെത്തിയത്. മൂന്നേ മൂന്ന് ദിവസം കൊണ്ട് ദുബായിലെ പുലിമേടയില്‍ ഒളിച്ചിരുന്ന സ്വര്‍ണക്കടത്ത് കേസിലെ പ്രധാനികളെയെല്ലാം എന്‍ഐഎ പൊക്കിയാണ് ചോദ്യം ചെയ്തത്. ഇതിന് ദുബായ് പോലീസിന്റെ എല്ലാ സഹായവും കൂടിയായപ്പോള്‍ കാര്യങ്ങള്‍ എളുപ്പമായി. ഫൈസല്‍ ഫരീദ് ഉള്‍പ്പെടെയുള്ളവരെ പാത്രിരാത്രിയോളം ചോദ്യം ചെയ്തു. സ്വപ്ന സൂചന നല്‍കിയ പലരേയും രഹസ്യമായി ചോദ്യം ചെയ്തു. കൂടാതെ സ്വപ്ന സുരേഷും ശിവശങ്കറും നടത്തിയ ഗള്‍ഫ് യാത്രകള്‍, അവയുടെ ലക്ഷ്യങ്ങള്‍, ആരുമായൊക്കെ അവര്‍ ബന്ധപ്പെട്ടു തുടങ്ങിയ വിവരങ്ങളും എന്‍ഐഎ അന്വേഷിച്ചു. ഇതില്‍ നിന്നും പല നിര്‍ണായക തെളിവുകളാണ് എന്‍ഐഎയ്ക്ക് കിട്ടിയത്. എന്‍ഐഎയുടെ അതിവേഗം നടത്തിയ മിന്നലാക്രമണത്തെ അജിത് ഡോവല്‍ മുക്തകണ്ഠമാണ് പ്രശംസിച്ചത്.
ദുബായില്‍ നിന്നും കിട്ടിയ തെളിവുമായി എന്‍ഐഎ സംഘം ഇനിയെത്തുന്നത് കൊച്ചിയിലാണ്. കൊച്ചിയിലുള്ള സ്വപ്നയും കൂട്ടരും നല്‍കിയ മൊഴികളും ദുബായില്‍ നിന്നും കിട്ടിയ മൊഴികളും തമ്മിലുള്ള വൈരുദ്ധ്യം പൊളിച്ചടുക്കുകയാണ് ലക്ഷ്യം.
അതില്‍ ദുബായില്‍ നിന്നും വിവാഹ സമ്മാനമായി കിട്ടിയെന്ന് പറയുന്ന ഒരു കിലോ സ്വര്‍ണവും വരും. സ്വപ്‌നയുടെ ആദ്യവിവാഹം യു.എ.ഇയിലായിരുന്നു. ഇത്രയും സ്വര്‍ണം ഒറ്റത്തവണയായി ഇന്ത്യയിലെത്തിക്കാന്‍ നിയമപരമായി കഴിയില്ല. പല തവണയായി എത്തിച്ചു എന്ന വാദത്തിനും കഴമ്പില്ല. നിലവിലെ നിയമപ്രകാരം സ്ത്രീകള്‍ക്ക് ഒരുതവണ ഒരുലക്ഷം രൂപ വിലവരുന്ന സ്വര്‍ണമേ ഇന്ത്യയിലെത്തിക്കാന്‍ കഴിയൂ.
ബാങ്ക് ലോക്കറില്‍ കണ്ടെടുത്ത അഞ്ചുകിലോ സ്വര്‍ണം വിവാഹസമ്മാനമാണെന്ന വാദം സ്വപ്ന സുരേഷിനു തിരിച്ചടിയാകും. ഈ സ്വര്‍ണവും അനധികൃതമായി കടത്തിയതാണെന്നാണു സൂചന. യു.എ.ഇ. പോലീസിന്റെ കസ്റ്റഡിയിലുള്ള െഫെസല്‍ ഫരീദിനെയും കൂട്ടരെയും ചോദ്യംചെയ്ത ശേഷം മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കറിനെ അന്വേഷണസംഘം വീണ്ടും ചോദ്യംചെയ്‌തേക്കും.
625 പവന്‍ സ്വര്‍ണമാണ് ബാങ്ക് ലോക്കറില്‍ ഉണ്ടായിരുന്നത്. സ്വപ്‌നയുടെ ആദ്യവിവാഹം യു.എ.ഇയിലായിരുന്നു. ഇത്രയും സ്വര്‍ണം ഒറ്റത്തവണയായി ഇന്ത്യയിലെത്തിക്കാന്‍ നിയമപരമായി കഴിയില്ല. അല്ലെങ്കില്‍ വന്‍ തുക കസ്റ്റംസ് ഡ്യൂട്ടി കൊടുക്കേണ്ടിവരും. പല തവണയായി എത്തിച്ചു എന്ന വാദത്തിനും കഴമ്പില്ല.
സ്വപ്ന യു.എ.ഇയില്‍നിന്ന് അതിനും മാത്രം തവണ എത്തിയിട്ടില്ല. നിലവിലെ നിയമപ്രകാരം സ്ത്രീകള്‍ക്ക് ഒരുതവണ ഒരുലക്ഷം രൂപ വിലവരുന്ന സ്വര്‍ണമേ ഇന്ത്യയിലെത്തിക്കാന്‍ കഴിയൂ. വിവാഹസമ്മാനം ലഭിച്ചതാണെങ്കില്‍ തന്നെ ഇത്രയും സ്വര്‍ണം കേരളത്തിലെത്തിച്ചത് കള്ളക്കടത്തിലൂടെയാകാമെന്ന നിഗമനവും ശക്തമാണ്.
സ്വപ്‌നയുടെ വാദത്തിന്റെ പൊരുളറിയാന്‍ ലോക്കര്‍ എടുത്ത സമയം, തുറന്നത് എപ്പോഴൊക്കെ എന്നിവയെല്ലാം എന്‍.ഐ.എ. പരിശോധിച്ചു. ശിവശങ്കരന്റെ ചാര്‍ട്ടേര്‍ഡ് അക്കൗണ്ടിനെകൂടി പങ്കാളിയാക്കി സ്വപ്ന ജോയിന്റ് ലോക്കറാണ് എടുത്തത്. ഒരിക്കല്‍ പോലും ചാര്‍ട്ടേര്‍ഡ് അക്കൗണ്ടന്റ് ലോക്കര്‍ തുറന്നിട്ടില്ലെന്നാണു വിവരം. ഇതിന് പുറകേയാണ് അജിത് ഡോവലിന്റെ അനുഗ്രഹാശുസുക്കളോടൊപ്പം ദുബായില്‍ പോയ എന്‍ഐഎ കൊച്ചിയിലെത്തുന്നത്. ഇനിയെല്ലാം സ്വപ്ന താനെ പറഞ്ഞോളും.
"
https://www.facebook.com/Malayalivartha
