ഞാനെന്റേ കോണ്ടസയില് വരും... 12 കോടിയുടെ തിരുവോണം ബംപര് അടിച്ച ആളെക്കണ്ട് എല്ലാവര്ക്കും അത്ഭുദം; എറണാകുളത്തു ജോലി ചെയ്യുന്ന ഇടുക്കി സ്വദേശിയായ 24കാരന് അനന്തു വിജയന് ക്ഷേത്രത്തിലെ അക്കൗണ്ടന്റ്; ദൈവത്തിന് കണക്കെഴുതി തന്റെ കണക്ക് മാറ്റിയ വഴി
കൊച്ചിന് ദേവസ്വം ബോര്ഡിന്റെ കീഴിലുള്ള എളംകുളത്തെ ക്ഷേത്രത്തിലെ അക്കൗണ്ടന്റാണ് അനന്തു വിജയന്. ദൈവത്തിന്റെ മുമ്പില് വരുന്ന പണത്തിന്റെ വരവു ചെലവുകള് കണക്കാക്കുന്ന അനന്തു ഒരിക്കലും ചിന്തിച്ചില്ല ആ ദൈവം തന്റെ കണക്കുകൂട്ടല് പിഴപ്പിക്കുമെന്ന്. അല്ലെങ്കില് നോക്കണേ ഈ ചെറു പ്രായത്തില് അതും 24 വയസില് കോടീശ്വരനായിരിക്കുകയാണ്. സ്ഥിരമായി ലോട്ടറി എടുക്കാറില്ല. സാമ്പത്തിക ബുദ്ധിമുട്ട് അനുഭവപ്പെടുമ്പോള് ബമ്പര് ലോട്ടറികള് സ്ഥിരമായി എടുക്കാറുണ്ട്. മനസുരുകി പ്രാര്ത്ഥിക്കും. പിതാവ് പെയിന്റിംഗ് ജോലിയുടെ കരാറുകാരനാണ്. എം.കോം ബിരുദധാരിയായ ചേച്ചിക്ക് വിവാഹാലോചനകള് വരുന്നുണ്ട്. നല്ല വിവാഹം നടത്താന് പണം വേണം. താനെന്തു ചെയ്യാന്... ഇങ്ങനെ അക്കൗണ്ട് പണിക്കിടയില് കണക്ക് കൂട്ടുന്ന സമയത്താണ് ദൈവം ഭാഗ്യത്തിന്റെ രൂപത്തില് കൂടെ പോന്നത്. അനുജന് ബി.ബി.എ ബിരുദദാരിയാണ്. ബി.കോം ബിരുദത്തിന് ശേഷമാണ് അനന്തു ജോലിക്ക് കയറിയത്. ഉന്നത പഠനത്തിനുള്ള തയ്യാറെടുപ്പിലുമാണ്. പബ്ളിസിറ്റിക്ക് താത്പര്യമില്ലാത്തതിനാല് നല്ല ഫോട്ടോ പുറത്ത് വന്നതുമില്ല.
കേരള സംസ്ഥാന ഭാഗ്യക്കുറിയുടെ 12 കോടിയുടെ തിരുവോണം ബംപറാണ് എറണാകുളത്തു ജോലി ചെയ്യുന്ന ഇടുക്കി സ്വദേശി അനന്തു വിജയന് അയ്യപ്പന് കാവിലെ വിഘ്നേശ്വര ലോട്ടറി ഏജന്സീസ് വഴി വിറ്റഴിച്ച ടിബി 173964 നമ്പര് ടിക്കറ്റിനാണു ബംപറടിച്ചത്. 12 കോടി രൂപയില് 10 ശതമാനം ഏജന്സി കമ്മിഷനും 30 ശതമാനം ആദായ നികുതിയും കഴിച്ച് 7.56 കോടി രൂപയാണ് അനന്തുവിനു ലഭിക്കുക.
രാവിലെ ഒന്നാം സമ്മാനം എനിക്കാണെന്നു ഞാന് തമാശയ്ക്കു കൂട്ടുകാരോടു പറഞ്ഞിരുന്നു. ഫലം വന്നപ്പോള് ശരിക്കും ഞെട്ടിപ്പോയി. എന്നാണ് അനുന്തുവിന്റെ ആദ്യ പ്രതികരണം. പരിചയമുള്ള ഒരു ബാങ്ക് ഉദ്യോഗസ്ഥ വഴി ടിക്കറ്റ് ബാങ്കില് ഏല്പിച്ചു. ഇതുവരെ അടിച്ച ഏറ്റവും വലിയ സമ്മാനം 5000 രൂപയായിരുന്നു. അനന്തുവിനു ജോലി. കണ്ണൂര് പെരളശേരിക്കാരനായ എന്.അജേഷ് കുമാറാണ് വിഘ്നേശ്വര ഏജന്സീസ് ഉടമ.
ലോട്ടറി വില്പനയ്ക്കിറങ്ങി കാല് നൂറ്റാണ്ടിനിടെ പലപ്പോഴും ഒരു കോടിയും 70 ലക്ഷവുമെല്ലാം അടിച്ചിട്ടുണ്ടെങ്കിലും ബംപര് നേട്ടം ആദ്യം. വാവോട് കണ്ണോത്ത് കുഞ്ഞപ്പനായരുടെ മകനായ അജേഷ് 25 വര്ഷം മുന്പാണു കൊച്ചിയിലെത്തിയത്. വിഘ്നേശ്വര ഏജന്സി തുറന്നിട്ട് 15 വര്ഷം. കടവന്ത്ര കെ.പി.വള്ളോന് റോഡില് തട്ടില് ലോട്ടറി നിരത്തി വില്പന നടത്തുന്ന തമിഴ്നാട് ഡിണ്ടിഗല് സ്വദേശി അഴകച്ചാമി അജേഷില് നിന്നു വാങ്ങിക്കൊണ്ടുപോയ 10 ടിക്കറ്റുകളില് ഒന്നിനാണു 12 കോടി രൂപ അടിച്ചത്.
തിരുവോണം ബംപറിലെ രണ്ടാം സമ്മാനമായ ഒരു കോടി രൂപ 6 പേര്ക്കു ലഭിച്ചു. ടിഎ 738408 (നെയ്യാറ്റിന്കര), ടിബി 474761 (പയ്യന്നൂര്), ടിസി 570941 (കരുനാഗപ്പള്ളി), ടിഡി 764733 (ഇരിങ്ങാലക്കുട), ടിഇ 360719 (കോട്ടയം), ടിജി 787783 (ആലപ്പുഴ). മൂന്നാം സമ്മാനമായി 10 ലക്ഷം രൂപ വീതം 12 പേര്ക്കു ലഭിക്കും. കോവിഡ് പശ്ചാത്തലത്തിലും ഭാഗ്യക്കുറി വകുപ്പിന് ഓണം ബംപര് ടിക്കറ്റ് വില്പനയിലൂടെ ഇത്തവണ വന് നേട്ടമാണുണ്ടായത്. 44.10 ലക്ഷം ടിക്കറ്റുകളാണ് അച്ചടിച്ചത്. ഇതില് 44,09,980 ടിക്കറ്റുകള് വിറ്റു.
അച്ചടിപിശകു കാരണം 20 ടിക്കറ്റുകള് വിറ്റില്ല. ആവശ്യക്കാര് ഏറിയതോടെ 2.1 ലക്ഷം ടിക്കറ്റുകള് വീണ്ടും അച്ചടിച്ചു. ശനിയാഴ്ചയും വിവിധ ജില്ലാ ഓഫിസുകള് പ്രവര്ത്തിച്ചാണു ടിക്കറ്റുകള് വിറ്റത്. ലോട്ടറിയുടെ ജിഎസ്ടി തീരുവ 28 ശതമാനമായി ഉയര്ത്തിയതിനാല് ഇത്തവണത്തെ ഓണം ബംപര് ടിക്കറ്റ് വില്പനയിലൂടെ 22 കോടി രൂപയുടെ ലാഭമാണ് സര്ക്കാര് പ്രതീക്ഷിക്കുന്നത്. കഴിഞ്ഞ വര്ഷം 38.28 കോടി രൂപയാണ് സര്ക്കാരിന് ഓണം ബംപറിലൂടെ ലാഭം കിട്ടിയത്. അന്ന് 12 ശതമാനം മാത്രമായിരുന്നു ജിഎസ്ടി. കോവിഡ്കാല പ്രതിസന്ധികള്ക്കിടയിലും ടിക്കറ്റ് വില്പ്പനയില് മികച്ചപ്രതികരണമാണ് ലഭിച്ചത്.
നറുക്കെടുപ്പിന് തൊട്ടുമുന്പുവരെ വില്പ്പന നടത്താമെങ്കിലും ഞായറാഴ്ച രാവിലെതന്നെ ടിക്കറ്റ് കിട്ടാനില്ലാത്ത സ്ഥിതിയായിരുന്നു. കഴിഞ്ഞവര്ഷവും 12 കോടി രൂപയായിരുന്നു ഒന്നാംസമ്മാനം. ഇതില്നിന്ന് ഏജന്റിനുള്ള വിഹിതവും നികുതിയുംകഴിഞ്ഞ് 7.56 കോടിരൂപ ഒന്നാം സമ്മാനമായി ലഭിക്കും. ഈ കോടികള് എന്ത് ചെയ്യണമെന്ന് ഇപ്പോള് കണക്കുകൂട്ടിയില്ലെന്നാണ് ദൈവത്തിന്റെ കണക്കുകൂട്ടുകാരന് പറയുന്നത്. എന്തായാലും ദൈവം തന്റെ കണക്കുകൂട്ടല് തെറ്റിച്ചതില് അതീവ സന്തോഷവാനാണ്.
"
https://www.facebook.com/Malayalivartha