വെഞ്ഞാറമൂട് കൊലപാതകത്തിന്റെ നടുക്കം മാറും മുമ്പ് മറ്റൊരു അരും കൊല. തൃശൂരിലാണ് സംഭവമുണ്ടായത്. സിപിഎം ബ്രാഞ്ച് സെക്രട്ടറിയെയാണ് കുത്തിക്കൊന്നത്. ചൊവ്വന്നൂര്‍ പഞ്ചായത്തിലെ പുതുശേരി ബ്രാഞ്ച് സെക്രട്ടറി പി.യു. സനൂപാണ് കുത്തേറ്റു മരിച്ചത്. മരിച്ച യുവാവിന് 26 വയസ് മാത്രമാണ് പ്രായം.

രാത്രി പതിനൊന്നോടെ എരുമപ്പെട്ടി ഇയ്യാല്‍ ചിറ്റിലങ്ങാട്ടാണ് സംഭവം. പരുക്കേറ്റ 3 സിപിഎം പ്രവര്‍ത്തകരെ ആശുപത്രിയില്‍ പ്രവേശിപ്പിച്ചു.
ഒരാളുടെ നില ഗുരുതരം. സംഭവത്തില്‍ ഉള്‍പ്പെട്ടവര്‍ സഞ്ചരിച്ചതെന്നു കരുതുന്ന കാര്‍ താലൂക്ക് ആശുപത്രിയില്‍ പൊലീസ് കണ്ടെത്തി. വിപിന്‍, ജിത്തു, അഭിജിത്ത് എന്നിവര്‍ക്കാണ് പരുക്ക്. എട്ടോളം ബജ്‌റംഗ്ദള്‍ പ്രവര്‍ത്തകര്‍ പതിയിരുന്ന് വാളും കത്തിയുമായി ആക്രമിക്കുകയായിരുന്നെന്ന് സിപിഎം പറഞ്ഞു. സുഹൃത്തിനെ ചിറ്റിലങ്ങാട് എത്തിച്ച് സനൂപും സംഘവും തിരിച്ചുവരുമ്പോഴായിരുന്നു ആക്രമണം. സനൂപ് സംഭവസ്ഥലത്തുവച്ചുതന്നെ മരിച്ചു.

കേരളത്തില്‍ കുറേക്കാലം രാഷ്ട്രീയ കൊലപാതകങ്ങള്‍ നിലച്ച മട്ടായിരുന്നു. എന്നാല്‍ വെഞ്ഞാറമൂട്ടിലെ ഇരട്ട കൊലപാതകത്തോടെ വീണ്ടും മനഷ്യ മനസാക്ഷിയെ ഞെട്ടിക്കുകയായിരുന്നു. തിരുവോണ ദിവസം കൊല്ലപ്പെട്ട രണ്ട് സിപിഎം പ്രവര്‍ത്തകര്‍ നാടിന്റെ വലിയ വേദനയായി മാറി. അതിന് പിന്നാലെയാണ് തൃശൂരിലെ ഈ അരും കൊല.

സി പി എം പുതുശ്ശേരി ബ്രാഞ്ച് സെക്രട്ടറിയായ പുതുശ്ശേരി പേരാലില്‍ സനൂപിന്റെ കൊലപാതകത്തില്‍ പാര്‍ട്ടി ഞെട്ടിയിരിക്കുകയാണ്. സുഹൃത്തുക്കളായ അഞ്ഞൂര്‍ സി ഐ ടി യു തൊഴിലാളി ജിതിന്‍. പുതുശ്ശേരി സ്വദേശിയായ സി പി എം പ്രവര്‍ത്തകന്‍ വിപിന്‍ എന്നിവര്‍ക്കും ഗുരുതരമായി വെട്ടേറ്റു. പാര്‍ട്ടിയുടെ യുവ നേതാവിന്റെ കൊലപാതകം വലിയ ഒച്ചപ്പാടുണ്ടാക്കും.

രാത്രി 11.30 ഓടെ ചിറ്റിലക്കാട് ആയിരുന്നു സംഭവം. മിതുന്‍ എന്ന സുഹൃത്തിനെ വീട്ടിലേക്ക് കൊണ്ട് ചെന്നാക്കുന്നതിനായാണ് ഇവര്‍ സംഭവ സ്ഥലത്തേക്ക് പോയത്. ഇവിടെയുണ്ടായിരുന്ന ഒരു സംഘം ഇവരുമായി വാക്കേറ്റുമുണ്ടാവുകയും, ആയുധങ്ങള്‍ ഉപയോഗിച്ച് ആക്രമിക്കുകയുമായിരുന്നു എന്നാണ് പറയുന്നത്. ഇതിനിടെ തര്‍ക്കം പരിഹരിക്കാന്‍ ചെന്ന സനൂപിന് വെട്ടേറ്റെന്നും പറയുന്നുണ്ട്. ആക്രമത്തില്‍ ഗുരുതരമായി പരിക്കേറ്റ സനൂപ് സംഭവ സ്ഥലത്ത് തന്നെ മരിച്ചു. സംഭവമറിഞ്ഞെത്തിയവരാണ് പരിക്കേറ്റവരെ ആശുപത്രിയിവലെത്തിച്ചത്. സ്ഥലത്ത് പൊലീസ് എത്തി അന്വേഷണം ആരംഭിച്ചിട്ടുണ്ട്.

പുതുശ്ശേരി കോളനിയില്‍ പേരാലില്‍ വീട്ടില്‍ പരേതരായ ഉണ്ണിയുടെയും സതിയുടെയും മകനാണ് സനൂപ്. കൂലിപ്പണിക്കാരനാണ്. പ്രദേശത്തെ ആര്‍എസ്എസ് ബജ്‌രംഗ്ദള്‍ സംഘങ്ങളിലുള്ളവരാണ് അക്രമത്തിന് നേതൃത്വം നല്‍കിയതെന്നാണ് സിപിഎം ആരോപിക്കുന്നത്. യുവ നേതാവിന്റെ കൊലപാതകത്തില്‍ ശക്തമായ പ്രതിഷേധത്തിനൊരുങ്ങുകയാണ് പാര്‍ട്ടി.

തിരുവോണ നാളിലാണ് വെഞ്ഞാറമൂട്ടില്‍ മിഥിലാജിന്റെയും ഹഖ് മുഹമ്മദിന്റെയും കൊലപാതകം നടന്നത്. സംഭവത്തില്‍ വലിയ രാഷ്ട്രീയ ചലനങ്ങളാണ് ഉണ്ടായത്. കോണ്‍ഗ്രസുകാരാണ് ആക്രമത്തിന് പിന്നിലെന്ന് സിപിഎമ്മും അതല്ല ഗുണ്ടാ ആക്രമമണമാണെന്ന് കോണ്‍ഗ്രസും വാദിച്ചു. അതേസമയം ക്രമണത്തിന് പിന്നില്‍ കൃത്യമായ ഗൂഡാലോചനയുണ്ടായെന്നാണ് അന്വേഷണ സംഘത്തിന്റെ നിഗമനം. കൊലയാളികളുടെയും, കൊല്ലപ്പെട്ടവരുടെയും കയ്യില്‍ എങ്ങനെ ആയുധങ്ങള്‍ വന്നു എന്നത് വലിയ തര്‍ക്കമായി. ഇതിന് പിന്നാലെയാണ് തൃശൂരിലെ ഈ കൊലപാതകം.