തന്റെ വിരമിക്കലിനെ കുറിച്ച്‌ വ്യക്തമാക്കി വെടിക്കെട്ട് ബാറ്റ്സ്മാൻ ക്രിസ് ഗെയ്ല്‍ രംഗത്ത്. ഉടനൊന്നും വിരമിക്കാന്‍ ഉദ്ദേശമില്ലെന്ന് വെസ്റ്റിന്‍ഡീസ്​ വെടിക്കെട്ട്​ ബാറ്റ്​സ്​മാന്‍ ക്രിസ്​ ഗെയ്​ല്‍ പറഞ്ഞു. അടുത്ത അഞ്ച്​ വര്‍ഷത്തേക്ക്​ വിരമിക്കാന്‍ പദ്ധതിയില്ലെന്നാണ്​ ഗെയ്​ല്‍​ പറഞ്ഞു . വിരമിക്കലിനെ കുറിച്ച്‌ ഇപ്പോള്‍ എന്തായാലും ചിന്തിക്കുന്നുല്ലെന്നും അദ്ദേഹം ഗെയ്ന്‍ വ്യക്തമാക്കി. 

വയസ്​ 41 ആയെങ്കിലും ബാറ്റ്​ താഴെ വെക്കാന്‍ ഉദ്ദേശമില്ലെന്ന് അദ്ദേഹം പറഞ്ഞു. 'റിട്ടയര്‍ ചെയ്യാന്‍ ഇപ്പോള്‍ പദ്ധതിയൊന്നുമില്ല. അഞ്ച്​ വര്‍ഷം കൂടി കളിക്കാനാകുമെന്നാണ്​ തോന്നുന്നത്​. 45ന്​ മുന്‍പ്​ ഏതായാലും ഇല്ല. രണ്ട്​ ലോകകപ്പ്​ കൂടി കഴിയാനുണ്ടെന്ന് ഗെയ്​ല്‍ പറഞ്ഞു​. ഇത്തവണ നടന്ന ഐ.പി.എല്ലില്‍ മികച്ച പ്രകടനമാണ് ഗെയ്ല്‍ കാഴ്ച വെച്ചത്. വെറും ഏഴ്​ മത്സരങ്ങളില്‍ നിന്നും 288 റണ്‍സ് ആണ്​ ഗെയ്​ല്‍ വാരിക്കൂട്ടിയത്. ആദ്യ മത്സരങ്ങളില്‍ ഗെയ്​ലിന്​ അവസരം നല്‍കാതിരുന്നതില്‍ കിങ്​സ്​ ഇലവന്‍ പഞ്ചാബ്​ ഖേദിച്ച ടൂര്‍ണമെന്‍റ്​ കൂടിയായിരുന്നു അത്​. 99 റണ്‍സ്​ നേടിയ വെടിക്കെട്ട്​ ഇന്നിങ്​സ്​ ഉള്‍പ്പെടെ മൂന്ന്​ അര്‍ധശതകങ്ങളും ഗെയ്​ല്‍ നേടിയിരുന്നു .