ബര്മുഡയും ടീഷര്ട്ടും ധരിച്ച് സ്റ്റേഷനില് എത്തിയ എസ്എച്ച്ഒയുടെ വിഡിയോ പ്രചരിപ്പിച്ച യുവതിക്കെതിരെ കേസ്
എസ്എച്ച്ഒയെ അപകീര്ത്തിപ്പെടുത്തുന്ന തരത്തില് വിഡിയോ പ്രചരിപ്പിച്ച മാവേലിക്കര, മാങ്കാംകുഴി സ്വദേശിനിയായ യുവതിക്കെതിരെ കേസെടുത്തു. പണിമുടക്ക് ദിനത്തില് ചെങ്ങന്നൂര് എസ്എച്ച്ഒ എ.സി.വിപിന് ബര്മുഡയും ടീഷര്ട്ടും ധരിച്ച് സ്റ്റേഷനില് എത്തിയ ദൃശ്യങ്ങള് അപകീര്ത്തികരമായ പരാമര്ശത്തോടെ പ്രചരിപ്പിച്ചെന്നാണ് കേസ്.
അതേസമയം, ഇത്തരം വേഷം ധരിച്ചെത്തിയതിന് എസ്എച്ച്ഒയോട് വിശദീകരണം ആവശ്യപ്പെടുമെന്ന് ഡിവൈഎസ്പി ജെ. സന്തോഷ് കുമാര് പറഞ്ഞു. വിഡിയോ പ്രചരിപ്പിച്ച മറ്റുള്ളവര്ക്കും മോശം കമന്റിട്ടവര്ക്കുമെതിരെ നടപടിയെടുക്കുമെന്നും ഡിവൈഎസ്പി പറഞ്ഞു.
രാവിലെ എസ്എച്ച്ഒ വ്യായാമത്തിനു പോയപ്പോള് ചെങ്ങന്നൂര് സ്റ്റേഷനില് നിന്നും അടിയന്തരമായ ഒരാവശ്യമുണ്ടായെന്നും. അങ്ങനെയാണ് വ്യായാമ വസ്ത്രത്തില് അദ്ദേഹം എത്തിയതെന്നും ചെങ്ങന്നൂര് ഡിവൈഎസ്പി ജെ. സന്തോഷ് കുമാര് മനോരമ ഓണ്ലൈനിനോടു പറഞ്ഞു. സ്റ്റേഷനിലെത്തി പ്രശ്നം പരിഹരിച്ചയുടന് തിരികെ ക്വാര്ട്ടേഴ്സിലെത്തി യുണിഫോം ധരിച്ച് എസ്എച്ച്ഒ മടങ്ങിയെത്തുകയായിരുന്നു.
https://www.facebook.com/Malayalivartha
