നാല്പത് സിആര്പിഎഫ് ജവാന്മാരെ പറ്റി നടത്തിയ പരാമര്ശം അങ്ങേയറ്റം ഗുരുതരം; വിവരങ്ങള് ചോര്ത്തി നല്കിയ കേന്ദ്ര മന്ത്രിമാരെ അറസ്റ്റ് ചെയ്യണം; അര്ണബ് ഗോസാമിയുടെ വാട്സ് ആപ് പരാമര്ശങ്ങള് രാജ്യദ്രോഹപരമെന്ന് കോണ്ഗ്രസ്
ബലാക്കോട്ട് ആക്രമണത്തെക്കുറിച്ച് അര്ണബ് ഗോസാമി നടത്തിയ വാട്സ് ആപ് പരാമര്ശങ്ങള് രാജ്യദ്രോഹപരമാണെന്നും വിവരങ്ങള് ചോര്ത്തി നല്കിയ കേന്ദ്ര മന്ത്രിമാരെ അറസ്റ്റ് ചെയ്യണമെന്നും കോണ്ഗ്രസ്. ബാര്ക്ക് സിഇഒ പാര്ത്തോ ദാസ് ഗുപ്തയും അര്ണബ് ഗോസാമിയും തമ്മില് നടത്തിയ ബലാക്കോട്ട് ആക്രമണത്തപ്പറ്റിയുള്ള വാട്സ് ആപ്പ് ചാറ്റ് രാജ്യദ്രോഹപരമാണെന്ന് കോണ്ഗ്രസ് ആരോപിച്ചു.
മുതിര്ന്ന കോണ്ഗ്രസ് നേതാവും മുന് പ്രതിരോധമന്ത്രിയുമായി എ.കെ ആന്റണി ഉള്പ്പടെ കോണ്ഗ്രസ് നേതാക്കള് ഇതിനെതിരെ രംഗത്തെത്തി. ഗോസാമിയും പാര്ത്തോ ദാസ് ഗുപ്തയും നടത്തിയ വാട്സ് ആപ് ചാറ്റ് രാജ്യത്തെ സംബന്ധിച്ച് ഏറ്റവും ഗുരുതരമായി ബാധിക്കുന്ന ഒരു വിഷയമാണ്.
നാല്പത് സിആര്പിഎഫ് ജവാന്മാരെ പറ്റി അവര് നടത്തിയ പരാമര്ശം അങ്ങേയറ്റം ഗുരുതരമാണ്. രാജ്യത്തെ ജനങ്ങള്ക്കിടയിലും വിവിധ രാഷ്ട്രീയ കക്ഷികള്ക്കിടയിലും ആശയപരമായി ഭിന്നതകളുണ്ടായിരിക്കും. എന്നാല്, രാജ്യസുരക്ഷയുമായി ബന്ധപ്പെട്ട വിഷയങ്ങളില് അഭിപ്രായ ഭിന്നതകള് വെടിഞ്ഞ് എല്ലാവരും ഒറ്റക്കെട്ടാണെന്നും കോണ്ഗ്രസ് ആസ്ഥാനത്തു നടത്തിയ പത്രസമ്മേളനത്തില് ആന്റണി പറഞ്ഞു.
https://www.facebook.com/Malayalivartha