കേരള ക്രിക്കറ്റ് അസോസിയേഷന്റെ മംഗലപുരം ക്രിക്കറ്റ് സ്റ്റേഡിയം മുഖ്യമന്ത്രി പിണറായി വിജയൻ ഇന്ന് വൈകിട്ട് ആറിന്‌ നാടിന്‌ സമർപ്പിക്കും.

ചടങ്ങിൽ ടി–20 ലോകകപ്പ് വിജയത്തിൽ നിർണായക പങ്ക് വഹിച്ച കേരളത്തിന്റെ അഭിമാനതാരം സഞ്ജു സാംസണിനെ മുഖ്യമന്ത്രി ആദരിക്കും.

അത്യാധുനിക എൽഇഡി ഫ്ലഡ്‌ലൈറ്റ് സംവിധാനത്തിന്റെ സ്വിച്ച് ഓൺ മന്ത്രി വി അബ്ദുറഹിമാൻ നിർവഹിക്കുന്നതാണ്.
രണ്ടാംഘട്ട വികസനത്തിന്റെ ഭാഗമായി ആരംഭിക്കുന്ന കെസിഎ സ്റ്റേറ്റ് അക്കാദമിയുടെ നിർമാണോദ്ഘാടനം മന്ത്രി വി ശിവൻകുട്ടി നിർവഹിക്കും.

ഇൻഡോർ ക്രിക്കറ്റ് പരിശീലന കേന്ദ്രത്തിന്റെ നിർമാണോദ്ഘാടനം മന്ത്രി ജി ആർ അനിലും നിർവഹിക്കും. കെസിഎ പ്രസിഡന്റ്‌ അഡ്വ. ശ്രീജിത്ത്‌ വി നായർ അധ്യക്ഷനാകുകയും ചെയ്യും.