നിർമാതാവ് സുരേഷിനെ തിരിച്ചറിയുന്നത് നടി മേനകയുടെ ഭര്‍ത്താവ് എന്നും നടി കീര്‍ത്തിയുടെ അച്ഛൻ എന്ന ലേബലിലുമാണ് . എന്നാൽ ഇങ്ങനെ അറിയപ്പെടുന്നതില്‍ കോംപ്ലക്‌സ് ഇല്ലെന്ന് തുറന്നു പറയുകയാണ് സുരേഷ് കുമാര്‍. മകള്‍ കീര്‍ത്തിയുടേയും ഭാര്യ മേനകയുടേയും പേരുകളില്‍ അറിയപ്പെടുന്നതിന് സന്തോഷമേയുള്ളു. നമുക്ക് നമ്മുടേതായ വ്യക്തിത്വവും മറ്റ് കാര്യങ്ങളുമെല്ലാമുണ്ട്. ഇവരുടെ പേരുകളുമായി വിശേഷിപ്പിക്കുന്നതില്‍ കോപ്ലംക്‌സുമില്ല. അതിനാല്‍ പ്രശ്‌നങ്ങളൊന്നുമില്ല. കോംപ്ലക്‌സ് ഇല്ലാത്തയാളാണ് ഞാന്‍. സുരേഷ് എന്നുള്ളത് വളരെ കോമണായിട്ടുള്ളൊരു പേരാണ്. സുരേഷിനെ വിളിക്കുമ്പോള്‍ കുറേ പേരുണ്ടാവും. സുരേഷ് ഇവിടുണ്ട്, ഏത് സുരേഷെന്ന് ചോദിക്കുമ്ബോള്‍ മേനക സുരേഷെന്നാണ് പറയാറുള്ളത്. അതില്‍ വിഷമമൊന്നുമില്ല. സുരെഷ് കുമാര്‍  അഭിമുഖത്തില്‍ പറയുന്നു.

പപ്പിയെ കല്യാണം കഴിക്കുന്ന സമയം ഇതേക്കുറിച്ച്‌ മനസ്സിലാക്കിയിരുന്നു. അറിയപ്പെടുന്ന നടിയായിരുന്നു പപ്പി. ആ സമയത്ത് എന്നെ അധികം ആര്‍ക്കും അറിയില്ല. സിനിമാമേഖലയിലുള്ളവര്‍ മാത്രമേ അറിയൂ. പക്ഷെ അത് ഒന്നും എന്നെ ബാധിച്ചില്ല. അതില്‍ എനിക്ക് സന്തോഷം മാത്രമേ തോന്നിയിട്ടുള്ളൂ സുരേഷ് പറയുന്നു. രേവതിയുടെ അച്ഛനെന്നും ഇനി പറയും. അതില്‍ കുഴപ്പമില്ലെന്നാണ് താരം പറയുന്നത്.