മാധ്യമപ്രവര്‍ത്തകന്‍ കെ എം ബഷീര്‍ വാഹനാപകടത്തില്‍ മരിച്ച സംഭവത്തില്‍ ഇപ്പോഴും നടപടികൾ നടന്നു കൊണ്ടിരിക്കുകയാണ്. അപകടത്തിന്റെ സിസി ടി വി ദൃശ്യങ്ങള്‍ പ്രതിക്ക് നല്‍കണമെന്ന ആവശ്യം നേരത്തെ ഉയർത്തിയിരുന്നു. ആദ്യം കൊടുക്കില്ല എന്നായിരുന്നു അറിയിച്ചത്. എന്നാൽ ഇപ്പോൾ . അപകടത്തിന്റെ സിസി ടി വി ദൃശ്യങ്ങള്‍ പ്രതിക്ക് നല്‍കണമെന്ന് കോടതിയുടെ ഉത്തരവ്പുറത്ത് വന്നിരിക്കുകയാണ്.

വീഡിയോ ദൃശ്യങ്ങളുടെ പകര്‍പ്പ് പ്രതിയായ ശ്രീറാം വെങ്കിട്ടരാമന് നല്‍കുന്നതിന് സാങ്കേതിക തടസമില്ലെന്ന് ഫോറന്‍സിക് ഡയറക്ടര്‍ കോടതിയെ അറിയിച്ചതിനെത്തുടര്‍ന്നാണ് കോടതിയുടെ പുതിയ നടപടി വന്നിരിക്കുന്നത്. സൈബര്‍ സെല്‍ ഡി.വൈഎസ്.പി തുടര്‍നടപടി സ്വീകരിക്കണമെന്ന് കോടതി നിര്‍ദ്ദേശം നല്കുകയുണ്ടായി. തിരുവനന്തപുരം ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയാണ് നിര്‍ദ്ദേശം നല്‍കിയത്.