പാർട്ടി നിർദ്ദേശിച്ചാൽ ഇനിയും മത്സരിക്കുമെന്ന് സ്പീക്കർ പി ശ്രീരാമകൃഷ്ണൻ. തെരഞ്ഞെടുപ്പിൽ മത്സരിക്കുന്നതിന് യാതൊരുവിധ ആശങ്കയുമില്ലെന്നും, മത്സരിക്കേണ്ടിവന്നാൽ ആത്മ വിശ്വാസത്തോടെ നിൽക്കുമെന്നും അദ്ദേഹം വ്യക്തമാക്കി. മാധ്യങ്ങളോട് നടത്തിയ അഭിമുഖത്തിലാണ് ഈ കാര്യം വ്യക്തമാക്കിയത്. മത്സരിക്കണോ എന്ന് പാര്‍ട്ടി തീരുമാനിച്ചാല്‍ അല്ലെ പറയാന്‍ പറ്റൂ.. മത്സരിക്കേണ്ടി വന്നാല്‍ നല്ല ആത്മവിശ്വാസവും ഉണ്ട്. കഴിഞ്ഞ എത്രയോ കാലമായി ജനങ്ങളുടെ കൂടെ ആണ് താൻ . ജനങ്ങളോട് ഇഴുകി ചേര്‍ന്ന് ആണ് പ്രവര്‍ത്തിച്ചിട്ടുള്ളതെന്നും. അതിലൊരു ആശങ്കയും ഇല്ല, ആത്മ വിശ്വാസവും ഉണ്ട് ശ്രീരാമകൃഷ്ണന്‍ പറയുകയുണ്ടായി.

കൂടാതെ പൊന്നാനിക്ക് പകരം പെരിന്തൽമണ്ണ മത്സരിക്കുമോ എന്ന ചോദ്യത്തിന് നല്ലൊരു മറുപടിയാണ് നൽകിയത്, ജനിച്ചു എന്നുള്ളതല്ല ,എവിടെ ജീവിക്കുന്നു എന്നുള്ളതാണ് നാട് നിശ്ചയിക്കുന്നത്.പെരിന്തൽമണ്ണയിൽ താൻ ജനിച്ചു, എന്നാലിപ്പോൾ ജീവിക്കുന്നത് പൊന്നാനിയിലാണ് എനിക്കിപ്പോൾ പെരിന്തൽമണ്ണയെക്കാൾ ജീവനാണ് പൊന്നാനിഎന്നും അദ്ദേഹം പറഞ്ഞു.
അന്വേഷണ ഏജൻസികൾ ചോദ്യം ചെയ്യും എന്നുള്ള പ്രചരണം വാസ്തവമല്ലെന്നും അദ്ദേഹം വ്യക്തമാക്കി. ഒരു കട ഉദ്ഘാടനം ചെയ്യാന്‍ പോയ ഒരാളെ ചുറ്റിപ്പറ്റി ശൂന്യതയില്‍ നിന്നും കഥകള്‍ സൃഷ്ടിച്ച്‌ വിവാദമാക്കുകയാണ് എന്നും പക്ഷേ കുറ്റം ചെയ്തു എന്ന തോന്നല്‍ ഉളവാക്കുന്ന നിലയില്‍ വാര്‍ത്തകള്‍ കൊടുക്കുന്നു എന്നതാണ് നിര്‍ഭാഗ്യകരം എന്നും അദ്ദേഹം കൂട്ടി ചേർക്കുകയുണ്ടായി.