വാളയാർ കേസിലെ സിബിഐ അന്വേഷണം കോടതി മേൽനോട്ടത്തിൽ വേണമെന്ന് ആവശ്യപ്പെട്ട് ഹൈക്കോടതിയില് ഹര്ജി.പെണ്കുട്ടികളുടെ മാതാവാണ് കോടതിയെ സമീപിച്ചത്.സിബിഐ അന്വേഷണത്തിന് ഉത്തരവിട്ട് സര്ക്കാര് പുറപ്പെടുവിച്ച ഉത്തരവില് ആദ്യ പെണ്കുട്ടി കൊല്ലപ്പെട്ട കേസ് മാത്രമാണ് പരാമര്ശിച്ചിട്ടുള്ളതെന്നും ഇളയ പെണ്കുട്ടി കൊല്ലപ്പെട്ട കേസിനെക്കുറിച്ച്‌ പരാമര്ശമില്ലെന്നും ഹര്ജിയില് പറയുന്നു.

സർക്കാർ വിജ്ഞാപനത്തില് അപാകത ഉണ്ടെന്നും ഹര്ജിയില് പറയുന്നു. കേസന്വേഷണത്തിലെ കാലതാമസം ഒഴിവാക്കണമെന്നും ഹര്ജിയിൽ ആവശ്യമുണ്ട്.വാളയാറിൽ പ്രായപൂർത്തിയാവാത്ത രണ്ട് പെണ്കുട്ടികൾ ലൈംഗീക പീഡനത്തിനിരയായതിനു ശേഷം ആത്മപത്യ ചെയ്ത സംഭവത്തില് സർക്കാർ നല്കിയ അപ്പീലിൽ പ്രതികളെ വെറുതെവിട്ട വിചാരണക്കോടതി ഉത്തരവ് റദ്ദാക്കിയിരുന്നു. സർക്കാർ ആവശ്യപ്പെട്ടതിനെത്തുടര്ന്ന് തുടരന്യേഷണത്തിന് വിചാരണ കോടതിയും ഉത്തരവിട്ടു. ജനുവരി 25നാണ് സര്ക്കാര് സിബിഐ അന്വേഷണത്തിന്‌ഉത്തരവിട്ടത്.