ആ​രോ​ഗ്യ​പ്ര​വ​ര്‍ത്ത​ക​നെ​ന്ന വ്യാ​ജേ​ന​യെ​ത്തി വീട്ടിലെത്തി വീട്ടമ്മയെ ആ​ക്ര​മി​ച്ച്‌ സ്വ​ര്‍ണാ​ഭ​ര​ണം ക​വ​ര്‍ന്നു. ചോമ്പാല ക​ല്ലാ​മ​ല ദേ​വീ​കൃ​പ​യി​ല്‍ സുലഭയുടെ (55 ) നാ​ല​ര പാവമായിരുന്നു ക​വ​ര്‍ന്ന​ത്.ഇന്നലെ ഉച്ചയോടെ ആയിരുന്നു സംഭവം അരങ്ങേറിയത്.

ആരോഗ്യപ്രവർത്തകനെന്ന പേരിൽ വീട്ടിലെത്തിയ വ്യക്തി സു​ല​ഭ​യു​ടെ ഭ​ര്‍ത്താ​വ് ര​വീ​ന്ദ്ര​നോ​ട് ഉ​ട​ന്‍ വാ​ക്സി​നേ​ഷ​നെ​ടു​ക്കാ​നു​ള​ള ടോ​ക്ക​നു​വേ​ണ്ടി പ​ഞ്ചാ​യ​ത്തി​ലെ​ത്ത​ണ​മെ​ന്നും താൻ പഞ്ചായത്തിൽ നിന്നും വരുന്നതാണെന്നും അറിയിച്ചു. ഇ​ത​നു​സ​രി​ച്ച്‌ ര​വീ​ന്ദ്ര​ന്‍ പു​റ​ത്തേ​ക്കു​പോ​യ സ​മ​യ​ത്താ​ണ് സു​ല​ഭ​യു​ടെ ക​ഴു​ത്തി​ലെ ആ​ഭ​ര​ണം ക​വ​രാ​ന്‍ ശ്ര​മിക്കുന്നത്.

സുലഭയുമായുള്ള മൽപിടിത്തത്തിനിടയിൽ കൈ​യി​ലു​ള്ള ആ​യു​ധം ഉ​പ​യോ​ഗി​ച്ച്‌ മു​ഖ​ത്തും ക​ഴു​ത്തി​ലും ഇ​ടി​ക്കുകയും ചെയ്തു. സു​ല​ഭ​യു​ടെ നി​ല​വി​ളി​കേ​ട്ട് ഓടിയെത്തിയ അയൽവാസികൾ ചോ​ര​യി​ല്‍ കു​ളി​ച്ചു​നി​ല്‍ക്കു​ന്ന സു​ല​ഭ​യെ​യാ​ണ് ക​ണ്ട​ത്. മോ​ഷ്​​ടാ​വ് ഉ​ട​ന്‍ ആ​ഭ​ര​ണ​വു​മാ​യി ഓ​ടി രക്ഷപെടുകയും ചെയ്തു. സം​ഭ​വ​സ​മ​യ​ത്ത് വീ​ട്ടി​ല്‍ വൃ​ദ്ധ​യാ​യ മാ​താ​വ് മാത്രമായിരുന്നു ഉണ്ടായിരുന്നത്.

ഈ സമയത്ത്, അ​പ​രി​ചി​ത​രാ​യ ര​ണ്ടു​പേ​ര്‍ ഇ​തു​വ​ഴി ന​ട​ന്നു​പോ​കു​ന്ന​ത് ക​ണ്ട​താ​യി പറഞ്ഞു. നാ​ട്ടു​കാ​രും ചോ​മ്പാ​ല പൊ​ലീ​സും ചേ​ര്‍ന്നാ​ണ് സു​ല​ഭ​യെ വ​ട​ക​ര​യി​ലെ പ്രാഥമികാരോഗ്യകേന്ദ്രത്തിൽ എത്തിച്ചത്. പി​ന്നീ​ട്​ കോ​ഴി​ക്കോെ​ട്ട സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാറ്റുകയും ചെയ്തു.

ചോ​മ്പാ​ല സി.​ഐ. ശി​വ​ന്‍ ചോ​ട​ത്ത്, എ​സ്.​ഐ കെ.​വി. ഉ​മേ​ഷ്, ഡി​വൈ.​എ​സ്.​പി മൂ​സ വ​ള്ളി​ക്കാ​ട​ന്‍, സ്പെ​ഷ​ല്‍ ബ്രാ​ഞ്ച് ഡി​വൈ.​എ​സ്.​പി സ​ലീ​ഷ് തു​ട​ങ്ങി​യ​വ​ര്‍ സ്ഥലത്ത് എത്തി അന്വേഷണം ആരംഭിച്ചു.