പൊലിസ് സമൂഹ മാധ്യമങ്ങള്‍ ഉപയോഗിക്കുന്നതില്‍ പൊലീസ്​ ഉദ്യോഗസ്ഥര്‍ കൂടുതല്‍ ജാഗ്രത പാലിക്കണമെന്നും വീഴ്​ച വരുത്തിയാല്‍ കര്‍ശന നടപടിയെന്നും ഡി.ജി.പിയുടെ നിര്‍ദേശം. പൊലീസ്​ ഉദ്യോഗസ്ഥര്‍ മറ്റാരോടെങ്കിലും സംസാരിക്കുമ്പോൾ ഫോണ്‍ റെക്കോഡ് ചെയ്യുകയും പ്രചരിപ്പിക്കുകയും ചെയ്യരുത്.

ഇക്കാര്യങ്ങള്‍ വളരെ ഗൗരവത്തോടെ തന്നെ കാണുക. ഇത് ലംഘിക്കുന്ന ഉദ്യോഗസ്ഥര്‍ക്കെതിരെ കര്‍ശന ശിക്ഷണ നടപടിയുണ്ടാകുമെന്നും ഡി.ജി.പി അനില്‍ കാന്ത്​ പുറപ്പെടുവിച്ച സര്‍ക്കുലറില്‍ വ്യക്തമാക്കുന്നു.

നെയ്യാറ്റിന്‍കര ജുഡീഷ്യല്‍ ഫസ്​റ്റ്​ക്ലാസ്​ മജിസ്​ട്രേട്ട്​ 1 ആയിരുന്ന വ്യക്തിയും പാറശ്ശാലയിലെ ഒരു പൊലീസുകാരനുമായുള്ള ഫോണ്‍ സംഭാഷണം നേരത്തേ പുറത്തുവന്നിരുന്നു. പൊലീസുകാരോട്​ മജിസ്​ട്രേട്ട്​ സംസാരിക്കുന്ന രീതി എന്ന നിലയില്‍ പൊലീസ്​ ഉദ്യോഗസ്ഥന്‍ തന്നെ ഇൗ ​േഫാണ്‍ സന്ദേശം റെക്കോഡ്​ ചെയ്​ത്​ സമൂഹ മാധ്യമങ്ങളിലുള്‍​െപ്പടെ പ്രചരിപ്പിച്ചെന്ന്​ കണ്ടെത്തിയിരുന്നു. പൊലീസുകാര്‍ അനാവശ്യമായി ത​െന്‍റ ഫോണില്‍ വിളിക്കരുതെന്നായിരുന്നു മജിസ്​ട്രേട്ട്​ അന്ന്​ ഫോണ്‍ സംഭാഷണത്തില്‍ പറഞ്ഞിരുന്നത്​.

എന്നാല്‍, ഇക്കാര്യം ഹൈകോടതിയുടെ ശ്രദ്ധയില്‍പെട്ടിട്ടുണ്ട്​. ജുഡീഷ്യറിയെ മോശമാക്കുന്ന കാര്യമായി ഇത് വ്യാഖ്യാനിക്കുമെന്ന് ഹൈകോടതി നിരീക്ഷിച്ചിരുന്നു. ജുഡീഷ്യറിയെ മോശമാക്കുന്ന ഇത്തരം പ്രവണതകളുണ്ടാകരുതെന്ന്​ കോടതി നിരീക്ഷിച്ചിട്ടുണ്ട്​. ആ സാഹചര്യത്തിലാണ് പൊലീസ്​ ഉദ്യോഗസ്ഥര്‍ സമൂഹ മാധ്യമങ്ങള്‍ ഉപയോഗിക്കുന്നതില്‍ നിയന്ത്രണങ്ങള്‍ ഏര്‍പ്പെടുത്തിയുള്ള ഡി.ജി.പിയുടെ സര്‍ക്കുലര്‍.