ഭാവിയില് സ്ത്രീധനം വാങ്ങിയാല് ബിരുദം തിരിച്ച് നല്കണം; സ്ത്രീധനം വാങ്ങുകയോ കൊടുക്കുകയോ പ്രേരിപ്പിക്കുകയോ ചെയ്യില്ലെന്ന് വിദ്യാര്ത്ഥിയും രക്ഷിതാവും എഴുതി നല്കണം, സ്ത്രീധന വിരുദ്ധ സത്യവാങ്മൂലം നടപ്പിലാക്കി കാലിക്കറ്റ് സര്വ്വകലാശാല
സംസ്ഥാനത്ത് കഴിഞ്ഞ കുറച്ച് മാസങ്ങളായി വാർത്തകളിൽ നിറയുന്നത് സ്ത്രീധനപീഡനം തന്നെയാണ്. ഇതിനുപിന്നാലെ കാലിക്കറ്റ് സര്വ്വകലാശാലയില് സ്ത്രീധന വിരുദ്ധ സത്യവാങ്മൂലം നടപ്പിലാക്കിയതായി റിപ്പോർട്ട്. ചാന്സലര് കൂടിയായ ഗവര്ണര് ആരിഫ് മുഹമ്മദ് ഖാന്റെ നിര്ദേശ പ്രകാരമാണ് സര്വ്വകലാശാലയില് സ്ത്രീധന വിരുദ്ധ സത്യവാങ്മൂലം നിര്ബന്ധമാക്കിയിരിക്കുന്നത്.
സംസ്ഥാനത്ത് സ്ത്രീധന മരണം വര്ധിക്കുന്ന സാഹചര്യത്തിലാണ് വിദ്യാര്ത്ഥികളും രക്ഷിതാക്കളും സ്ത്രീധന വിരുദ്ധ സത്യവാങ്മൂലം നല്കാന് നിര്ദേശം നല്കിയിരിക്കുന്നത്. സ്ത്രീധനം വാങ്ങുകയോ കൊടുക്കുകയോ പ്രേരിപ്പിക്കുകയോ ചെയ്യില്ലെന്ന് വിദ്യാര്ത്ഥിയും രക്ഷിതാവും എഴുതി നല്കേണ്ടതാണ്. ഭാവിയില് സ്ത്രീധനം വാങ്ങിയാല് ബിരുദം തിരിച്ച് നല്കണമെന്നും സ്ത്രീധന വിരുദ്ധ സത്യവാങ്മൂലത്തില് വ്യക്തമാക്കുന്നു.
അതോടൊപ്പം തന്നെ സര്വ്വകലാശാലയില് ബിരുദ പ്രവേശത്തിനുള്ള ഒന്നും രണ്ടും ഘട്ട അലോട്ട്മെന്റുകളെ തുടര്ന്ന് പ്രവേശന നടപടി തുടങ്ങിയ ശേഷമാണ് സര്ക്കാരില് നിന്നും അറിയിപ്പ് ലഭിക്കുന്നത്. നിലവില് പ്രവേശനം നേടിയവരില് നിന്നും സത്യവാങ്മൂലം സ്വീകരിക്കുമെന്നും അധികൃതര് അറിയിക്കുകയുണ്ടായി.
https://www.facebook.com/Malayalivartha
