വെള്ളിത്തിരയിലെ വേറിട്ട മുഖത്തിന് വിട… പറവൂര് ഭരതന് അന്തരിച്ചു; നാടകത്തിലും സിനിമയിലും ശോഭിച്ച അതുല്യ കലാകാരന്
ചലച്ചിത്ര നടന് പറവൂര് ഭരതന് (86) അന്തരിച്ചു. വാര്ധക്യ സഹജമായ അസുഖങ്ങളെത്തുടര്ന്ന് ചികില്സയിലായിരുന്നു. അദ്ദേഹം അഭിനയിച്ച ചെമ്മീന് എന്ന ചിത്രത്തിന്റെ അന്പതു വര്ഷം പിന്നിടുന്ന ദിവസമാണ് ഭരതന്റെ അന്ത്യമെന്നത് യാദൃശ്ചികമാണ്.
1951ല് രക്തബന്ധം എന്ന സിനിമയില് ചെറിയ വേഷത്തിലാണ് അഭിനയജീവിതം തുടങ്ങിയത്. 2009വരെ സിനിമാ ലോകത്ത് സജീവമായിരുന്നു. ആയിരത്തിലേറെ ചിത്രങ്ങളില് വലുതും ചെറുതുമായ വേഷങ്ങളില് അഭിനയിച്ചിട്ടുണ്ട്. ആദ്യകാല സിനിമകളില് വില്ലന് വേഷങ്ങളില് അഭിനയിച്ച അദ്ദേഹം പിന്നീട് കോമഡി വേഷത്തിലേക്കു മാറി. ഭാര്യ തങ്കമണി.
മലയാള സിനിമയുടെ എന്നത്തെയും കാരണവരായി അവരോധിച്ചിരിക്കുന്ന തിക്കുറിശ്ശിയുടെ തൊട്ടു പിന്നാലെയാണ് ഭരതനും മലയാള സിനിമയിലെത്തിയത്, സ്വന്തം ശൈലിയുമായി. വടക്കന് പറവൂരിനടുത്ത് മൂത്തകുന്നം കരയില് വാവക്കാട് 1928ല് ഒരു സാധാരണ തെങ്ങുചെത്ത് തൊഴിലാളിയുടെ മകനായിട്ടായിരുന്നു ഭരതന്റെ ജനനം. അച്ഛന് ചെറുപ്പത്തിലെ മരിച്ചു പോയപ്പോള് ആ ബാല്യം കാത്തുസൂക്ഷിക്കേണ്ട ഉത്തരവാദിത്തം കയര് തൊഴിലാളിയായ അമ്മ കുറുമ്പക്കുട്ടിയുടെ ചുമതലയായി. എന്നാല് സ്കൂള് തലത്തില് തന്നെ ഭരതനിലെ അഭിനയ ചാതുര്യം മറനീക്കി പുറത്തുവന്നിരുന്നു.
സ്കൂളില് ഒരു തെങ്ങുകയറ്റത്തൊഴിലാളിയെ മോണോ ആക്ടിലൂടെ അവതരിപ്പിച്ച ഭരതന് സ്വയം അറിയാതെ നാടക വേദിയിലേക്കുള്ള സ്ഥാനം ഉറപ്പിക്കുകയായിരുന്നു. മോണോ ആക്ട് കണ്ട കെടാമംഗലം സദാശിവന് ഭരതന് ആദ്യ അവസരം നല്കി. അങ്ങിനെ അന്ന് ഒരു നാടകത്തില് കെട്ടിയ ജന്മി വേഷം പിന്നീട് സിനിമയിലേക്കുള്ള ആദ്യ ചവിട്ടുപടിയായി എന്നു.
നാടകം ഭരതന് ജീവിതമായിരുന്നു, സിനിമ ജീവിത വ്രതവും. മാറ്റൊലി എന്ന നാടകത്തിലെ നായിക ഭരതന്റെ ജീവിത സഖിയായതും മറിച്ചൊരു കാരണം കൊണ്ടാവില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
