സംസ്ഥാനത്ത് പ്രഖ്യാപിച്ച രാത്രികാല നിയന്ത്രണം ഇന്ന് മുതല് നിലവില് വരും..... ജനുവരി രണ്ടുവരെ രാത്രി പത്തുമുതല് പുലര്ച്ചെ അഞ്ചുവരെയാണ് നിയന്ത്രണം, അടിയന്തര ആവശ്യങ്ങള്ക്ക് പുറത്തിറങ്ങുന്നവര് സ്വയംസാക്ഷ്യപത്രം കരുതണം
സംസ്ഥാനത്ത് പ്രഖ്യാപിച്ച രാത്രികാല നിയന്ത്രണം വ്യാഴാഴ്ച നിലവില്വരും. ജനുവരി രണ്ടുവരെ രാത്രി പത്തുമുതല് പുലര്ച്ചെ അഞ്ചുവരെയാണ് നിയന്ത്രണം. അടിയന്തര ആവശ്യങ്ങള്ക്ക് പുറത്തിറങ്ങുന്നവര് സ്വയംസാക്ഷ്യപത്രം കരുതണം.
ദേവാലയങ്ങളിലും മറ്റു പൊതു ഇടങ്ങളിലും ഉള്പ്പെടെ നടത്തുന്ന മത, സാമുദായിക, രാഷ്ട്രീയ, സാംസ്കാരിക, സാമൂഹിക കൂടിച്ചേരലുകള് അടക്കം ആള്ക്കൂട്ട പരിപാടികളൊന്നും രാത്രി പത്തുമുതല് രാവിലെ അഞ്ചുവരെ അനുവദിക്കില്ലെന്ന് ദുരന്തനിവാരണ വകുപ്പ് അറിയിച്ചു.
ദേവാലയങ്ങള്ക്ക് പുറമെ ബാറുകള്, ക്ലബ്ബുകള്, ഹോട്ടലുകള്, റസ്റ്റോറന്റുകള്, ഭക്ഷണശാലകള് തുടങ്ങിയ ഇടങ്ങളിലും രാത്രി 10 ന് ശേഷം ആള്ക്കൂട്ടം അനുവദിക്കില്ല. കടകളെല്ലാം 10 മണിയ്ക്ക് അടയ്ക്കണമെന്നും നിര്ദേശമുണ്ട്.
അനാവശ്യ യാത്രകള് അനുവദിക്കില്ല. വാഹനപരിശോധന ശക്തമാക്കും. പുതുവത്സരാഘോഷങ്ങളും രാത്രി പത്തിനുശേഷം അനുവദിക്കില്ല. ബീച്ചുകള്, ഷോപ്പിങ് മാളുകള്, പബ്ലിക് പാര്ക്കുകള് എന്നിവിടങ്ങളിലും നിയന്ത്രണമുണ്ടാകും.
ആള്ക്കൂട്ടങ്ങള് ഉണ്ടാകാന് സാധ്യതയുളള ബീച്ചുകള്, ഷോപ്പിങ് മാളുകള്, പബ്ലിക് പാര്ക്കുകള്, തുടങ്ങിയ പ്രദേശങ്ങളില് ജില്ലാ കലക്ടര്മാര് മതിയായ അളവില് പൊലീസ് ഉദ്യോഗസ്ഥരുടെ പിന്തുണയോടെ സെക്ടറല് മജിസ്ട്രേറ്റുകളെ വിന്യസിക്കും. കൂടുതല് പൊലീസിനെ നിയന്ത്രണ പ്രവര്ത്തനങ്ങള്ക്കായി വിന്യസിക്കും.
അതേസമയം ശബരിമല, ശിവഗിരി തീര്ത്ഥാടനവും തീര്ത്ഥാടകരേയും രാത്രികാല നിയന്ത്രണങ്ങളില് നിന്ന് ഒഴിവാക്കി. തിരുവനന്തപുരം, പത്തനംതിട്ട ജില്ലാ കലക്ടര്മാരുടെ നിര്ദേശങ്ങള് പരിഗണിച്ചാണ് തീരുമാനം.
ഒമിക്രോണ് കേസുകള് വര്ധിക്കുന്ന പശ്ചാത്തലത്തിലാണ് നാളെ മുതല് ജനുവരി രണ്ട് വരെ രാത്രികാല നിയന്ത്രണം ഏര്പ്പെടുത്തിയത്.
"
https://www.facebook.com/Malayalivartha
