ഒമിക്രോണ് വ്യാപനം; സംസ്ഥാനത്ത് കര്ശന നിയന്ത്രണങ്ങള്; പൊതുപരിപാടികളിൽ പങ്കെടുക്കുന്നവരുടെ എണ്ണം വെട്ടിച്ചുരുക്കി; വിമാനത്താവളങ്ങളില് പരിശോധന ശക്തിപ്പെടുത്തുമെന്ന് മുഖ്യമന്ത്രി
സംസ്ഥാനത്ത് ഒമിക്രോണ് വ്യാപിക്കുന്ന പശ്ചാത്തലത്തില് ചടങ്ങുകളില് പങ്കെടുക്കുന്നവരുടെ എണ്ണം നിയന്ത്രിക്കാനൊരുങ്ങി സര്ക്കാര്. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കോവിഡ് അവലോകന യോഗത്തിലാണ് ഇതുസംബന്ധിച്ച് തീരുമാനമുണ്ടായത്. കല്യാണം, മരണാനന്തര ചടങ്ങുകള്, മറ്റു സാമൂഹ്യ രാഷ്ട്രീയ സാംസ്കാരിക, സാമുദായിക പൊതുപരിപാടികള് എന്നിവ അടച്ചിട്ട മുറികളിലാണെങ്കില് 75 പേര്, തുറസ്സായ സ്ഥലങ്ങളില് 150 പേര് എന്നിങ്ങനെ പരിമിതപ്പെടുത്താനാണ് തീരുമാനം.
എല്ലാ രാജ്യങ്ങളില്നിന്നും വരുന്ന രോഗ ലക്ഷണങ്ങളുള്ളവരുടെ പരിശോധന വിമാനത്താവളങ്ങളില് ശക്തിപ്പെടുത്തണമെന്നും മുഖ്യമന്ത്രി ഉദ്യോഗസ്ഥരോട് നിര്ദ്ദേശിച്ചു. സംസ്ഥാനത്ത് ഒമിക്രോണ് കേസുകളില് വര്ദ്ധനയുണ്ടായിട്ടുണ്ട്. നിലവില് കേരളത്തില് 181 ഒമിക്രോണ് ബാധിതരാണ് ഉള്ളത്. സംസ്ഥാനത്ത് 80 ശതമാനം പേര്ക്ക് രണ്ടാം ഡോസ് വാക്സിന് നല്കിയെന്നും മുഖ്യമന്ത്രി അറിയിച്ചു.
https://www.facebook.com/Malayalivartha
