പൊന്നമ്പലമേട്ടില് മകരജ്യോതി തെളിഞ്ഞു; ദര്ശന പുണ്യം നേടി അയ്യപ്പഭക്തര്; സന്നിധാനം ശരണം വിളികളാൽ ഭക്തിസാന്ദ്രം

പൊന്നമ്പലമേട്ടില് മകരജ്യോതി തെളിഞ്ഞു. സന്നിധാനത്ത് ശരണം വിളികള് മുഴങ്ങി. സന്നിധാനത്ത് ശ്രീകോവിലില് തിരുവാഭരണ വിഭൂഷിതനായ അയ്യപ്പനു ദീപാരാധന നടക്കുമ്ബോഴായിരുന്നു മകരവിളക്ക് തെളിഞ്ഞത്.
മകരസംക്രമസന്ധ്യയില് അയ്യപ്പനു ചാര്ത്താനുള്ള തിരുവാഭരണങ്ങളുമായി പന്തളത്തുനിന്നെത്തിയ ഘോഷയാത്ര അഞ്ചുമണിയോടെ ശരംകുത്തിയിലെത്തിയിരുന്നു. അവിടെ നിന്ന് ദേവസ്വം പ്രതിനിധികള് യാത്രയെ വാദ്യമേളങ്ങള്, വെളിച്ചപ്പാട് എന്നിവയുടെ അകമ്ബടിയോടെ സ്വീകരിച്ച് സന്നിധാനത്തേക്ക് ആനയിച്ചു.
കൊടിമരച്ചുവട്ടില് ദേവസ്വം മന്ത്രി കെ.രാധാകൃഷ്ണന്, ദേവസ്വം ബോര്ഡ് പ്രസിഡന്റ് കെ.അനന്തഗോപന്, അംഗം മനോജ് ചരളേല്, എഡിജിപി എസ്.ശ്രീജിത്ത് എന്നിവര് ചേര്ന്ന് സ്വീകരിച്ചു.സോപാനത്തില് തന്ത്രിയും മേല്ശാന്തിയും ചേര്ന്ന് ഏറ്റുവാങ്ങിയ തിരുവാഭരണങ്ങള് അയ്യപ്പവിഗ്രഹത്തില് ചാര്ത്തി ദീപാരാധന നടത്തി.
https://www.facebook.com/Malayalivartha