തൃശ്ശൂർ ജി​ല്ല​യി​ല്‍ ആശങ്കയായി കോ​വി​ഡ് വ്യാ​പ​നം. ഈ സാ​ഹ​ച​ര്യ​ത്തി​ല്‍ ആ​ക്ടി​വ് കോ​വി​ഡ് ക്ല​സ്റ്റ​റു​ക​ളു​ടെ എ​ണ്ണം 28 ആയി ഉ​യ​ര്‍ന്നിരിക്കുകയാണ്. ഇ​വ​യി​ല്‍ 10 എ​ണ്ണം പു​തു​താ​യി ചേർക്കപ്പെട്ടവ. ഇ​തി​ല്‍ ഗ​വ. എ​ന്‍​ജി​നീ​യ​റി​ങ് കോ​ള​ജി​ലേ​താ​ണ് ഏറ്റവും വ​ലു​ത്. ഇ​തി​ന​കം 82 പേ​ര്‍ക്കാ​ണ് ഇ​വി​ടെ കോ​വി​ഡ് റി​പ്പോ​ര്‍ട്ട് ചെ​യ്യ​പ്പെട്ടിരിക്കുന്നത്. ജൂ​ബി​ലി മി​ഷ​ന്‍ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ 68 പേ​ര്‍ക്കും ചെ​റു​തു​രു​ത്തി ജ്യോ​തി എ​ന്‍​ജി​നീ​യ​റി​ങ് കോ​ള​ജി​ല്‍ 32 പേ​ര്‍ക്കും രോ​ഗ​ബാ​ധ​യു​ണ്ടാ​യതായി റിപ്പോട്ടുകൾ ചൂണ്ടിക്കാണിക്കുന്നു. മ​റ്റ് ക്ല​സ്റ്റ​റു​ക​ളി​ല്‍ 20ല്‍ ​താ​ഴെ​യാ​ണ് രോ​ഗി​ക​ളെ​ന്ന്​ ജൂ​നി​യ​ര്‍ അ​ഡ്മി​നി​സ്‌​ട്രേ​റ്റി​വ് മെ​ഡി​ക്ക​ല്‍ ഓ​ഫി​സ​ര്‍ ഡോ. ​കാ​വ്യ ക​രു​ണാ​ക​ര​ന്‍ അ​റി​യി​ക്കുകയുണ്ടായി.

അതോടൊപ്പം തന്നെ ജി​ല്ല​യി​ലെ രോ​ഗ സ്ഥി​രീ​ക​ര​ണ നി​ര​ക്ക് വ​ലി​യ​തോ​തി​ല്‍ വ​ര്‍ധി​ച്ച സാ​ഹ​ച​ര്യ​ത്തി​ല്‍ വാ​ര്‍ഡ് ത​ല ആ​ര്‍.​ആ​ര്‍.​ടി​ക​ള്‍ പു​നഃ​സ്ഥാ​പി​ക്കാ​നും കോ​വി​ഡ് രോ​ഗി​ക​ളു​ടെ ഹോം ​ഐ​സൊ​ലേ​ഷ​നും സമ്പ​ര്‍ക്ക രോ​ഗി​ക​ളു​ടെ സമ്പ​ര്‍​ക്ക​വി​ല​ക്ക്​ ശ​ക്തി​പ്പെ​ടു​ത്താ​നും ത​ദ്ദേ​ശ സ്ഥാ​പ​ന​ങ്ങ​ള്‍ക്ക് നി​ര്‍ദേ​ശം ന​ല്‍കിയിരിക്കുകയാണ്. പ്ര​തി​രോ​ധ ന​ട​പ​ടി​ക​ള്‍ ഊ​ര്‍ജി​ത​മാ​ക്കാ​ന്‍ മ​ന്ത്രി​മാ​രാ​യ കെ. ​രാ​ധാ​കൃ​ഷ്ണ​ന്‍, കെ. ​രാ​ജ​ന്‍, ആ​ര്‍. ബി​ന്ദു എ​ന്നി​വ​രു​ടെ നേ​തൃ​ത്വ​ത്തി​ല്‍ ചേ​ര്‍ന്ന ജ​ന​പ്ര​തി​നി​ധി​ക​ളു​ടെ​യും ഉ​ദ്യോ​ഗ​സ്ഥ​രു​ടെ​യും യോ​ഗ​ത്തി​ലാ​ണ്​ തീ​രു​മാ​നം കൈകൊണ്ടത്.

ര​ണ്ടു ദി​വ​സ​ത്തി​നു​ള്ളി​ല്‍ ത​ദ്ദേ​ശ സ്ഥാ​പ​ന​ങ്ങ​ള്‍ യോ​ഗം ചേ​ര്‍ന്ന് ആ​വ​ശ്യ​മാ​യ ന​ട​പ​ടി​യെ​ടു​ക്ക​ണം. കോ​വി​ഡ് വ്യാ​പ​നം കൂ​ടി​യ ഇ​ട​ങ്ങ​ളി​ല്‍ മൈ​ക്ക് അ​നൗ​ണ്‍സ്‌​മെ​ന്‍റ്​ ഉ​ള്‍പ്പെ​ടെ​യു​ള്ള സം​വി​ധാ​ന​ങ്ങ​ളി​ലൂ​ടെ ജാ​ഗ്ര​ത നി​ര്‍ദേ​ശം ന​ല്‍ക​ണം എന്നിങ്ങനെ നിർദ്ദേശങ്ങൾ കൈകൊണ്ടു.

അതേസമയം കോ​വി​ഡ് രോ​ഗി​ക​ളു​മാ​യി സ​മ്പ​ര്‍ക്ക​ത്തി​ലേ​ര്‍പ്പെ​ട്ട​വ​രെ ക​ണ്ടെ​ത്തി സ​മ്പ​ര്‍​ക്ക വി​ല​ക്ക്​ ന​ട​പ്പാ​ക്കു​ന്ന കാ​ര്യ​ത്തി​ല്‍ ബ​ന്ധ​പ്പെ​ട്ട​വ​ര്‍ ജാ​ഗ്ര​ത പാ​ലി​ക്ക​ണ​മെ​ന്ന് ജി​ല്ല ക​ല​ക്ട​ര്‍ ഹ​രി​ത വി. ​കു​മാ​ര്‍ അ​റി​യിക്കുകയുണ്ടായി. പ്ര​ത്യേ​ക സാ​ഹ​ച​ര്യ​ത്തി​ല്‍ ഗ്രാ​മ​സ​ഭ​ക​ള്‍ ഉ​ള്‍പ്പെ​ടെ​യു​ള്ള യോ​ഗ​ങ്ങ​ള്‍ ഓ​ണ്‍ലൈ​നാ​യി ചേ​രാ​ന്‍ ശ്ര​ദ്ധി​ക്ക​ണ​മെ​ന്നും ക​ല​ക്ട​ര്‍ വ്യക്തമാക്കി.