വിമാനത്തിലെ സീറ്റിനടിയില്‍ ഒളിപ്പിച്ച് സ്വര്‍ണ്ണം കടത്താനുള്ള ശ്രമം കസ്റ്റംസ് പൊളിച്ചു. ഓരോ കിലോ തൂക്കം വരുന്ന 3 സ്വര്‍ണക്കട്ടികളും 100 ഗ്രാം വീതം തൂക്കം വരുന്ന 7 ബിസ്‌കറ്റുകളുമടങ്ങിയ 91.27 ലക്ഷം രൂപ മൂല്യം വരുന്ന 3.7 കിലോ സ്വര്‍ണ്ണമാണ് പിടികൂടിയത്. ശ്രീലങ്കന്‍ സ്വദേശി പിടിയിലായിട്ടുണ്ട്.

ബുധനാഴ്ച രാവിലെ 9.30 ന് ദുബായില്‍ നിന്ന് കൊച്ചിയിലെത്തിയ സ്‌പൈസ് ജെറ്റ്് വിമാനത്തിന്റെ സീറ്റിനുള്ളില്‍ പ്ലാസ്റ്റിക് ടേപ്പ് ചുറ്റി പ്ലാസ്റ്റിക് കൊണ്ട് പൊതിഞ്ഞ നിലയില്‍ കണ്ടെത്തുകയായിരുന്നു. വിമല്‍ പെരേര എന്നയാളാണ് പിടിയിലായത്.
ഇന്ത്യയില്‍ നിരന്തരം സ്വര്‍ണ്ണം കടത്തിയിരുന്ന ശ്രീലങ്കന്‍ സ്വദേശി സ്ഥിരം കടുത്തുകാരനാണ്. ബിസിനസ് വിസയില്‍ ഇയാള്‍ ഒരു മാസത്തിനുള്ളില്‍ കൊച്ചിയിലേക്ക് മാത്രം 5 തവണ വിമാനയാത്ര നടത്തിയിട്ടുണ്ട്.
ഒരാള്‍ സ്വര്‍ണ്ണം കടത്തിക്കൊണ്ടു വരികയും അയാള്‍ ഇടയ്ക്ക് ഇറങ്ങിയ ശേഷം മറ്റൊരാള്‍ കയറി എത്തിക്കേണ്ട സ്ഥലത്ത് അതുമായി എത്തിക്കുന്നതായിരുന്നു ഓപ്പറേഷന്‍ സ്‌റ്റൈല്‍. ആഭ്യന്തര യാത്രക്കാര്‍ക്ക് കസ്റ്റംസ് പരിശോധന ഇല്ലാത്തതിനാലാണ് ഇത്തരത്തിലുള്ള പദ്ധതി ആസൂത്രണം ചെയ്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha