വിവാഹ ദിനത്തില്‍ നവവധു വീട്ടിനുള്ളില്‍ ആത്മഹത്യ ചെയ്ത സംഭവത്തില്‍ ആത്മഹത്യ കുറിപ്പ് കണ്ടെത്തി.'എന്റെ കാര്യങ്ങളെല്ലാം അവനറിയാം...ഒപ്പം ജീവിക്കാന്‍ കഴിയില്ല.എന്റെ ഇഷ്ടപ്രകാരമാണ് ഇത് ചെയ്യുന്നത്.' എന്നാണ് പൊലീസ് കണ്ടെടുത്ത ആത്മഹത്യാ കുറിപ്പില്‍ എഴുതിയിരിക്കുന്നത്.

യുവതിയുടെ ആത്മഹത്യാ കുറിപ്പിന്റെ അടിസ്ഥാനത്തില്‍ അന്വേഷണം ആരംഭിച്ചതായി ചേവായൂര്‍ പോലീസ് പറഞ്ഞു.സംഭവത്തില്‍ വ​ര​നെ ഉ​ള്‍​പ്പെ​ടെ ചോ​ദ്യം ചെ​യ്യാ​നാ​ണ് പോ​ലീ​സ് തീരുമാനം. നി​ല​വി​ല്‍ മ​ര​ണ​ത്തി​ല്‍ അ​സ്വാ​ഭാ​വി​ക​ത ഒ​ന്നും തോ​ന്നി​യി​ട്ടി​ല്ലെ​ന്നും അന്വേ​ഷ​ണം ന​ട​ക്കു​ക​യാ​ണെ​ന്നും ചേ​വാ​യൂ​ര്‍ പോ​ലീ​സ് അ​റി​യി​ച്ചു.

സ്വ​കാ​ര്യ ആ​ശു​പ​ത്രി​യി​ല്‍ ന​ഴ്‌​സിം​ഗ് വി​ദ്യാ​ര്‍​ഥി​നി​യാ​യ മേ​ഘ​യു​ടെ വി​വാ​ഹം അ​തേ ആ​ശു​പ​ത്രി​യി​ലെ സ്റ്റാ​ഫ് ന​ഴ്‌​സു​മാ​യി ന​ട​ത്താ​ന്‍ ഒ​രു​ക്ക​ങ്ങ​ളെ​ല്ലാം പൂ​ര്‍​ത്തി​യാ​യ​താ​യി​രു​ന്നു. ഇതിനിടെയാണ് വിവാഹ ദിവസം മേഘ ജീവനൊടുക്കിയത്. വ​ധൂ​ഗൃ​ഹ​ത്തി​ലാ​ണ് വി​വാ​ഹം ന​ട​ത്താ​നി​രു​ന്ന​ത്. അ​തി​നാ​യി മ​ണ്ഡ​പം ഉ​ള്‍​പ്പെ​ടെ ഒ​രു​ക്കി​യി​രു​ന്നു.

രാ​വി​ലെ ബ്യൂ​ട്ടീ​ഷ​നെ​ത്തി​യ​പ്പോ​ള്‍ കു​ളി​ച്ചു​വ​രാ​മെ​ന്നു പ​റ​ഞ്ഞ് മേ​ഘ കി​ട​പ്പു​മു​റി​യി​ല്‍ ക​യ​റി വാ​തി​ല്‍ അ​ട​യ്ക്കു​ക​യാ​യി​രു​ന്നു. ഏറെ നേരം കഴിഞ്ഞും പുറത്തെ കാണാത്തതിനെ തുടര്‍ന്ന് വീട്ടുകാര്‍ വാതില്‍ തകര്‍ത്തു അകത്തു കടന്നപ്പോഴാണ് മേഘയെ ജീവനൊടുക്കിയ നിലയില്‍ കണ്ടത്. മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചി​രു​ന്നു.