പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിലെ പ്രതിയുടെ ഉടമസ്ഥതയിലുള്ള കൊച്ചിയിലെ ഹോട്ടല്‍ പ്രമുഖരുടെ ഉല്ലാസ കേന്ദ്രമോ? ഉന്നത ഉദ്യോഗസ്ഥരുടെയും രാഷ്ട്രീയക്കാരുടെയും സിനിമാക്കാരുടെയും ലൈംഗിക - ലഹരി സംബന്ധമായ ദാഹം തീര്‍ക്കാനുള്ള രഹസ്യ കേന്ദ്രമാണ് ഹോട്ടല്‍ എന്ന വിവരമാണ് കഴിഞ്ഞ ദിവസം പുറത്തുവന്നത്. ഇവിടെ നടക്കുന്ന വഴിവിട്ട പ്രവര്‍ത്തനങ്ങളെ കുറിച്ച് പോലീസിന് ക്യത്യമായ വിവരമുണ്ടെങ്കിലും ഉന്നതരെ പേടിച്ച് നടപടിയെടുക്കാറില്ല.

നമ്പര്‍ 18 ഹോട്ടലുടമയ്‌ക്കെതിരായ കേസിലെ പ്രതിയുടെ പരാമര്‍ശങ്ങള്‍ക്കെതിരെ പരാതിക്കാരി രംഗത്തെത്തി. കേസിലെ പ്രതി അഞ്ജലി റിമ ദേവിന്റേത് വെളിപ്പെടുത്തലല്ല, ആരോപണങ്ങള്‍ മാത്രമാണെന്നാണ് പരാതിക്കാരി പറഞ്ഞത്.

അഞ്ജലി തന്നെയും കുടുംബത്തെയും പരസ്യമായി അപമാനിക്കുകയാണ്. നമ്പര്‍ 18 ഹോട്ടലില്‍ തന്നെയും പെണ്‍കുട്ടികളെയും കൊണ്ടുപോയത് അഞ്ജലി തന്നെയാണ്. അഞ്ജലിയുടെ അമ്മാവന്‍ ജ്യോതിപ്രകാശ് ഭീഷണിപ്പെടുത്തി. ലഹരികടത്തുകാരിയാക്കുമെന്നായിരുന്നു ഭീഷണി. തന്റെ പരാതി തെളിവുസഹിതമാണ് പൊലീസിനു നല്‍കിയിരിക്കുന്നതെന്നും പരാതിക്കാരി പറഞ്ഞു.

ഇത്തരത്തില്‍ നിരവധി സ്ത്രീകളാണ് പീഡിപ്പിക്കപെടുന്നതത്രേ.ഡി ജെ പാര്‍ട്ടികള്‍ ഹോട്ടല്‍ നടത്തുന്നത് ചെറു പ്രായക്കാരായ പെണ്‍കുട്ടികളെ വലവീശി പിടിക്കാനാണെന്നാണ് പൊതുവേ പറയപ്പെടുന്നത്. ഇതിനായി ഏജന്റുമാരും ഉണ്ടത്രേ. അവര്‍ പെണ്‍കുട്ടികളെ വലവീശി പിടിച്ച് ഹോട്ടലിലെത്തിക്കും. ഇപ്പോള്‍ പരാതി നല്‍കിയ സ്ത്രീയും മക്കളും ഇത്തരത്തില്‍ ഹോട്ടലില്‍ എത്തിയവരാണെന്നാണ് കേള്‍ക്കുന്നത്. സ്ത്രീകള്‍ വലയിലായാല്‍ അവരെ ഉന്നതര്‍ക്ക് കാഴ്ച വയ്ക്കുമത്രേ.

സിനിമാ, സീരിയല്‍, മോഡലിംഗ് രംഗത്ത് നിന്ന് നിരവധി സ്ത്രീകള്‍ ഹോട്ടലില്‍ എത്താറുണ്ട്. ഡി ജെ പാര്‍ട്ടിക്ക് എത്തുന്ന ഇത്തരക്കാര്‍ക്ക് ' അവസരം' എന്ന പ്രലോഭനമാണ് ഹോട്ടലുടമ നല്‍കാറുള്ളതെന്ന് കേള്‍ക്കുന്നു. ഡി ജെ പാര്‍ട്ടികള്‍ക്ക് സിനിമാക്കാരും എത്താറുണ്ട്. ഭാഗ്യമുണ്ടെങ്കില്‍ അവസരം ലഭിക്കും.

അതേസമയം, പരാതിക്കാരി പ്രായപൂര്‍ത്തിയാകാത്ത മകളുമായി സ്വമേധയാ ഡിജെ പാര്‍ട്ടിക്ക് വന്നതാണെന്നായിരുന്നു മൂന്നാം പ്രതി അഞ്ജലി റിമ ദേവ് പറഞ്ഞത്. ഡിജെ പാര്‍ട്ടിക്കിടെ ലൈംഗിക അതിക്രമം നടന്നിട്ടില്ല. സിസിടിവി ദൃശ്യങ്ങള്‍ തെളിവാണ്. റോയി വയലാട്ടിനെ തനിക്ക് അറിയില്ലെന്നും പാര്‍ട്ടി കഴിഞ്ഞു സന്തോഷത്തോടെയാണ് പരാതിക്കാരി മടങ്ങിയതെന്നും അഞ്ജലി പറഞ്ഞു.

നമ്പര്‍ 18 ഹോട്ടല്‍ ഉടമ റോയ് വയലാട്ടിനും ഷൈജു തങ്കച്ചനും അഞ്ജലി റിമ ദേവിനും എതിരായ പോക്‌സോ കേസില്‍ പരാതിക്കാരി പറയുന്നതെല്ലാം പച്ചക്കള്ളമാണെന്ന് അഞ്ജലി റിമാ ദേവ് പറഞ്ഞു. പ്രായപൂര്‍ത്തിയാവാത്ത പെണ്‍കുട്ടികളുമായി പരാതിക്കാരി സ്വമേധയാ ഡിജെ പാര്‍ട്ടിക്കു വന്നതാണ്. ബിസിനസ് മീറ്റ് എന്ന് തെറ്റിദ്ധരിപ്പിച്ചു കൊണ്ടുപോയതല്ല.

ലൈംഗിക ഉപദ്രവം ഉണ്ടായി എന്ന് ആരോപിക്കുന്ന പരാതിക്കാരി അവസാനം വരെ സന്തോഷത്തോടെ പാര്‍ട്ടിയില്‍ പങ്കെടുക്കുന്നുണ്ട്. ആരും മോശമായി പെരുമാറിയിട്ടില്ല. സിസിടിവി ദൃശ്യങ്ങള്‍ തെളിവാണ്. ഡിജെ പാര്‍ട്ടിക്ക് ശേഷം സന്തോഷത്തോടെയാണ് പരാതിക്കാരിയും സംഘവും മടങ്ങിയത്. വൈരാഗ്യത്തിന്റെ പുറത്ത് കള്ളപ്പരാതി നല്‍കി തന്നെ അപകീര്‍ത്തിപ്പെടുത്തുക മാത്രമാണ് പരാതിക്കാരിയുടെ ലക്ഷ്യം. ഇതു താന്‍ നേരത്തെ അറിഞ്ഞിരുന്നു എന്നും അഞ്ജലി പ്രമുഖ മാധ്യമത്തോടു പറഞ്ഞു. ഫെയ്‌സ്ബുക്ക് വിഡിയോ വഴി പരാതിക്കാരിയുടെ ആരോപണങ്ങള്‍ നിഷേധിച്ച് കഴിഞ്ഞ ദിവസം അഞ്ജലി രംഗത്തു വന്നിരുന്നു.

മോഡലുകളെ വാഹനാപകടമുണ്ടാക്കി കൊന്ന കേസിന്റെ ഭാവി തന്നെ ഇതിനും സംഭവിക്കുമെന്നാണ് പരാതിക്കാരി കരുതുന്നത്. ഉന്നത രാഷ്ട്രീയ .ബന്ധങ്ങളുള്ള ഹോട്ടല്‍ ഉടമക്ക് എങ്ങനെ മുന്നോട്ടു നീങ്ങണമെന്ന് നന്നായറിയാം. തന്റെ പേരിലുള്ള കേസുകള്‍ ഒതുക്കാന്‍ വേണമെങ്കില്‍ പരാതിക്കാരിയെ വരെ ഇയാള്‍ വിലയ്‌ക്കെടുത്തന്ന് വരും. ഇതിനായി ഏതറ്റം വരെയുംപോകാന്‍ ഹോട്ടലുടമ മടിക്കില്ല.''