സംസ്ഥാനത്തെ വൈദ്യുതി പ്രതിസന്ധിയെയും ലോഡ്ഷെഡിംഗിനെയും രൂക്ഷമായ ഭാഷയിൽ രാഹുൽ മാങ്കൂട്ടത്തിൽ എം എൽ എ വിമർശിച്ചു. ഫേസ്ബുക്ക് പോസ്റ്റിലൂടെയാണ് സർക്കാരിനും വൈദ്യുതി വകുപ്പിനും എതിരെ രാഹുൽ രംഗത്തെത്തിയത്.രാഹുലിന്റെ ഫേസ്ബുക്ക് പോസ്റ്റിന്റെ പൂർണ്ണ രൂപം ഇങ്ങനെ;-

വീട് കൊള്ളയടിക്കുന്നവർ കുറുവ സംഘം…
കൊള്ളയടിച്ചിട്ടു ഫ്യൂസും അടിച്ചോണ്ട്
പോകുന്നത് ഡാഷ് സംഘം...

നേരത്തെ പങ്കു വച്ച വിമർശനം ഇങ്ങനെ;-

പവർ കട്ട് അല്ല, K കട്ടാണ്..
K കട്ട് സമയത്ത് K കാറ്റ് ബസ്റ്റാണ്…
ഏത് ഡാഷ് മോനാണാവോ ഇവിടുത്തെ മുക്കിയ മന്ത്രി…!

അതിനിടെ സംസ്ഥാനത്ത് ഉയർന്ന താപനില തുടരുന്ന സാഹചര്യത്തിൽ വൈദ്യുതി ഉപഭോഗം വർധിച്ചതിനാൽ ലോഡ് ഷെഡിങ് നടപ്പിലാക്കാൻ തീരുമാനം. എല്ലാ ദിവസവും വൈകീട്ട് ആറിനും രാത്രി 12നും ഇടയിൽ അരമണിക്കൂർ വരെയാണ് ലോഡ് ഷെഡിങ് തീരുമനിച്ചത്. കെഎസ്ഇബി ഉന്നതതല യോഗത്തിലാണ് നിർണായക തീരുമാനമെടുത്തത്.

പീക്ക് അവറിൽ വാഹന ചാർജിങ് പാടില്ലെന്നും എസി താപ നില 24നും 26നും ഇടക്ക് ക്രമീകരിക്കണമെന്നും നിർദേശമുണ്ട്.വൈദ്യുതി വിതരണം തടസ്സരഹിതമായി നിർവഹിക്കാൻ ഉപഭോക്താക്കളുടെ സഹകരണം കെഎസ്ഇബി അഭ്യർഥിച്ചു.