കുടുംബത്തിലെ നാലുപേര് വീടിന്റെ കിടപ്പുമുറിയില് വിഷവാതകം ശ്വസിച്ച് മരിച്ച സംഭവം... വിവിധ മൂലകങ്ങള് ചേര്ത്ത് വിഷവാതകം ഉല്പാദിപ്പിച്ചതെന്ന് കരുതുന്ന പാത്രം റൂമില് നിന്നും കണ്ടെത്തി
കൊടുങ്ങല്ലൂരില് കുടുംബത്തിലെ നാലുപേര് വീടിന്റെ കിടപ്പുമുറിയില് വിഷവാതകം ശ്വസിച്ച് മരിച്ച സംഭവത്തില് ആത്മഹത്യകുറിപ്പ് കണ്ടെത്തി. പൊതുമരാമത്ത് റിട്ട. അസി. എക്സിക്യൂട്ടിവ് എന്ജിനീയര് പരേതനായ കാടാംപറമ്ബത്ത് ഉബൈദിന്റെ മകന് ആസിഫ് (41), ആസിഫിന്റെ ഭാര്യ അബീറ (34), മക്കളായ അസ്ഹറ ഫാത്തിമ (13), അനെയ്നുന്നിസ (ഏഴ്) എന്നിവരാണ് മരിച്ചത്.
റോഡിനോട് ചേര്ന്ന ഇരുനില വീടിന്റെ മുകളിലത്തെ നിലയിലെ കിടപ്പുമുറിയിലാണ് നാലുപേരുടെയും മൃതദേഹം കിടന്നിരുന്നത്. സോഫ്റ്റ്വെയര് എന്ജിനീയറായ ആസിഫ് കിടപ്പുമുറിയോട് ചേര്ന്നുതന്നെ ഓഫിസ് സംവിധാനമൊരുക്കി വിദേശ ഐ.ടി കമ്ബനിയില് കരാര് വ്യവസ്ഥയില് ജോലി ചെയ്തുവരുകയായിരുന്നെന്ന് ബന്ധുക്കള് പറഞ്ഞു. താഴത്തെ നിലയില് മാതാവ് ഫാത്തിമയും സഹോദരി ഷിഫയും അവരുടെ മക്കളുമാണ് താമസിച്ചിരുന്നത്.
രാവിലെ 10 കഴിഞ്ഞിട്ടും ആസിഫിന്റെ കുടുംബാംഗങ്ങളിലാരും പുറത്തിറങ്ങാതായതോടെ താഴെയുണ്ടായിരുന്ന സഹോദരി പറവൂരുള്ള മറ്റൊരു സഹോദരനെയും അയല്വാസികളെയും വിവരം അറിയിക്കുകയായിരുന്നു. തുടര്ന്ന് ജനവാതിലുകള് പൊളിച്ച് നോക്കിയപ്പോഴാണ് നാലുപേരും മരിച്ചുകിടക്കുന്നത് കണ്ടത്.
കാര്ബണ് മോണോക്സൈഡ് ശ്വസിച്ചാണ് മരണമെന്നാണ് അനുമാനം. വിവിധ മൂലകങ്ങള് ചേര്ത്ത് വിഷവാതകം ഉല്പാദിപ്പിച്ചതെന്ന് കരുതുന്ന പാത്രം വാതിലിന് സമീപമുണ്ടായിരുന്നു. എ.സി പ്രവര്ത്തിപ്പിക്കുകയും മുറിയുടെ എല്ലാ എയര് ഹോളുകളും ടാപ് ഒട്ടിച്ച് സീല് ചെയ്യുകയും ചെയ്തിരുന്നു.
ശാന്തസ്വഭാവക്കാരനായ ആസിഫ് വീടിന് പുറത്ത് സഹവാസം വളരെ കുറവായിരുന്നു. നേരത്തേ സാമ്ബത്തികമായി മികച്ച നിലയിലായിരുന്നു കുടുംബം. ആത്മഹത്യക്കുറിപ്പില് സാമ്ബത്തിക ബാധ്യതയെക്കുറിച്ചും മുറിയിലെ വിഷവാതകത്തെക്കുറിച്ചുള്ള മുന്നറിയിപ്പും ഉള്ളതായി പൊലീസ് സൂചിപ്പിച്ചു.
ജില്ല പൊലീസ് മേധാവി ഐശ്വര്യ ഡോങ്റേ, കൊടുങ്ങല്ലൂര് ഡിവൈ.എസ്.പി സലീഷ് എന്. ശങ്കരന്, സ്പെഷല് ബ്രാഞ്ച് ഡിവൈ.എസ്.പി ബിജു എന്നിവരുടെ നേതൃത്വത്തിലെ പൊലീസ് മേല്നടപടികള് സ്വീകരിച്ചു. പൊലീസ് നായും വിരലടയാള വിദഗ്ധരും സയന്റിഫിക് ടീമും പരിശോധന നടത്തി. ഇന്ക്വസ്റ്റിന് ശേഷം ഞായറാഴ്ച വൈകീട്ടോടെ മൃതദേഹങ്ങള് തൃശൂര് മെഡിക്കല് കോളജിലേക്ക് മാറ്റി.
മരിച്ച കുട്ടികള് രണ്ടുപേരും മാള രാജു ഡേവീസ് ഇന്റര്നാഷനല് സ്കൂള് വിദ്യാര്ഥികളാണ്. ആസിഫിന്റെ മാതാവ്: ഫാത്തിമ. സഹോദരങ്ങള്: അനസ്, ഷിഫ, ഷിബി. എറണാകുളം പള്ളിക്കര പെരിങ്ങാല കാരുകുന്നത്ത് കാസിമിന്റെയും സാജിദയുടെയും മകളാണ് അബീറ. സഹോദരങ്ങള്: ആദില്, അഫ്ലഹ്, അമീറ.
https://www.facebook.com/Malayalivartha
