നയന്സ് സൂപ്പര് തന്നെ... ആരാധകര് ഏറെ കാത്തിരുന്ന നയന്താരയുടെ വിവാഹത്തിന് മുഹൂര്ത്തമാകുന്നു; വിവാഹത്തെ കുറിച്ചുള്ള ഔദ്യോഗിക പ്രഖ്യാപനം ഉടന് നടത്തും; ആറു വര്ഷത്തെ പ്രണയ സാഫല്യം; അജിത് ചിത്രത്തിന് മുമ്പ് വിവാഹം നടക്കുമെന്ന് റിപ്പോര്ട്ട്
തെന്നിന്ത്യന് താരം ലേഡി സൂപ്പര് സ്റ്റാര് നയന്താരയുടെ പ്രേമത്തേയും വിവാഹത്തേയും ചുറ്റിപ്പറ്റിയുള്ള പലതരം വാര്ത്തകളാണ് വര്ഷങ്ങളോളമായി വന്നുകൊണ്ടിരിക്കുന്നത്. എന്നാല് അതിനിപ്പോല് മുഹൂര്ത്തം കുറിയ്ക്കുകയാണ്. നയന്താരയും സംവിധായകന് വിഘ്നേഷ് ശിവനും തമ്മിലുള്ള വിവാഹം ഉറപ്പിക്കുകയാണ്.
ആറു വര്ഷമായി പ്രണയത്തിലായിരുന്ന ഇവരുടെ വിവാഹ നിശ്ചയം കഴിഞ്ഞ വര്ഷമായിരുന്നു. ഇപ്പോള് ഇവരുടെ വിവാഹതീയതിയെ കുറിച്ചുള്ള വാര്ത്തയാണ് പുറത്തുവരുന്നത്. ജൂണ് മാസത്തില് വിവാഹമുണ്ടാകുമെന്നാണ് റിപ്പോര്ട്ടുകള്. അജിത്ത് കുമാര് നായകനായി എത്തുന്ന 62ാം ചിത്രത്തിന്റെ ഷൂട്ടിംഗിന് മുന്പായി വിവാഹം നടത്താനാണ് താരജോഡികള് തീരുമാനിച്ചിരിക്കുന്നത്.
വിഘ്നേഷ് ശിവന് സംവിധാനം ചെയ്യുന്ന ചിത്രം ഈ വര്ഷം അവസാനത്തോടെ ആരംഭിക്കുമെന്നാണ് നേരത്തെ പ്രഖ്യാപിച്ചിരുന്നത്. ചിത്രത്തില് നയന്താരയാണ് നായിക. ഈ സിനിമയുടെ തിരക്കുകളിലേക്ക് കടക്കുന്നതിനു മുന്പേ വിവാഹം നടക്കും. വിവാഹത്തെക്കുറിച്ചുള്ള ഔദ്യോഗിക പ്രഖ്യാപനം ഉടനുണ്ടായേക്കും.
വിജയ് സേതുപതി, നയന്താര, സാമന്ത എന്നിവര് മുഖ്യകഥാപാത്രങ്ങളെ അവതരിപ്പിക്കുന്ന വിഘ്നേഷ് ശിവന് ചിത്രം 'കാതുവാക്കുള്ള രണ്ട് കാതല്'എന്ന ചിത്രം ഏപ്രില് 28ന് തിയേറ്ററുകളിലെത്തും. മലയാളത്തില് ചെയ്ത 'ഗോള്ഡ്' എന്ന അല്ഫോണ്സ് പുത്രന് സിനിമയുടെ ചിത്രീകരണം പൂര്ത്തിയായി. അറ്റ്ലി സംവിധാനം ചെയ്യുന്ന ഷാരൂഖ് ഖാന് ചിത്രത്തിന്റെയും ഷൂട്ടിംഗ് പൂര്ത്തിയായിരിക്കുകയാണ്.
അതേസമയം നയന്താരയുടെ പ്രതിഫലവും ചര്ച്ചയാകുന്നു. ജയം രവിയുടെ നായികയായി അഭിനയിക്കുന്ന ചിത്രത്തില് 20 ദിവസത്തേക്ക് നയന്താരയുടെ പ്രതിഫലം പത്തുകോടിയത്രെ. ഇനിയും പേരിട്ടിട്ടില്ലാത്ത ചിത്രത്തിലേക്ക് 20 ദിവസത്തെ ഡേറ്രാണ് നയന്താര നല്കിയത്. തെന്നിന്ത്യയിലെ നടിമാരില് ഏറ്റവും കൂടുതല് പ്രതിഫലം വാങ്ങുന്ന നടിയായി ഇതോടെ നയന്താര മാറി. കോടികള് പ്രതിഫലം വാങ്ങുന്ന നടിമാരുണ്ടെങ്കിലും അവരേക്കാള് ഒരുപടി മുന്നിലാണ് നയന്താര.
2015ല് പുറത്തിറങ്ങിയ തനി ഒരുവന് എന്ന ചിത്രത്തിനുശേഷം ജയം രവിയും നയന്താരയും വീണ്ടും ഒരുമിക്കുന്ന ചിത്രം അഹമ്മദാണ് സംവിധാനം ചെയ്യുന്നത്. മേയില് ചിത്രീകരണം ആരംഭിക്കാനുള്ള ഒരുക്കത്തിലാണ് അണിയറ പ്രവര്ത്തകര്. സൈക്കോളജിക്കല് ത്രില്ലര് ചിത്രമാണ് അഹമ്മദ് ഒരുക്കുന്നത്. ഏഴുവര്ഷത്തിനുശേഷം ജയം രവിയും നയന്താരയും വീണ്ടും ഒന്നിക്കുന്നതിന്റെ ആവേശത്തിലാണ് ആരാധകര്.
ഷാരൂഖ് ഖാനെ നായകനാക്കി അറ്റ്ലി സംവിധാനം ചെയ്യുന്ന ചിത്രത്തിലും നയന്താര തന്നെയാണ് നായിക. സാമന്ത ആണ് ചിത്രത്തിലെ നായിക എന്ന് ആദ്യം വാര്ത്തകള് വന്നിരുന്നു. ഡേറ്റ് ക്ളാഷിനെ തുടര്ന്ന് നയന്താരയ്ക്ക് അഭിനയിക്കാന് കഴിയില്ലെന്നും വാര്ത്തകള് വന്നു. എന്നാല് മുംബെയ്യിലെ ലൊക്കേഷനില് നയന്താര എത്തിയാണ് ഷൂട്ട് പൂര്ത്തിയാക്കിയത്. സംവിധായകന് അറ്റ്ലിയുടെയും നയന്താരയുടെയും ബോളിവുഡ് പ്രവേശനം കൂടിയാണ്. ഈ ചിത്രത്തിന്റെ ആദ്യ ഷെഡ്യൂള് കഴിഞ്ഞ സെപ്തംബറിലായിരുന്നു.
ഇരട്ട വേഷത്തില് അച്ഛനും മകനുമായാണ് ഷാരൂഖ് ഖാന് ചിത്രത്തില് പ്രത്യക്ഷപ്പെടുന്നത്. അന്വേഷണ ഉദ്യോഗസ്ഥയുടെ വേഷമാണ് നയന്താരയ്ക്ക്. സുപ്രധാന വേഷത്തില് പ്രിയ മണി എത്തുന്നുണ്ട്. യോഗി ബാബു, സാനിയ മല്ഹോത്ര, സുനില് ഗ്രോവര് എന്നിവരാണ് മറ്റു താരങ്ങള്. ചെന്നൈ എക്സ്പ്രസിനുശേഷം തമിഴ് താരം യോഗി ബാബു ഷാരുഖ് ഖാന് ചിത്രത്തിന്റെ ഭാഗമാകുന്നു. ജി.കെ. വിഷ്ണുവാണ് ഛായാഗ്രാഹകന്. അറ്റ്ലിയുടെ മെര്സല്, ബിഗില് എന്നീ ചിത്രങ്ങളുടെ ഛായാഗ്രാഹകനാണ് വിഷ്ണു.
ഇങ്ങനെ സിനിമാ തിരക്കുകള്ക്കിടയിലും നയന്താരയുടെ വിവാഹ വിശേഷങ്ങളാണ് എവിടെനിന്നും ഉയരുന്നത്.
"
https://www.facebook.com/Malayalivartha
