ബയോളജിക്കല് മാക്രോമോളിക്യുലാര് ക്രിസ്റ്റലോഗ്രഫി മേഖലയ്ക്ക് ഇന്ത്യയില് നേതൃത്വം നല്കിയ ജീവശാസ്ത്രജ്ഞന് ഡോ. എം. വിജയന് അന്തരിച്ചു
ബയോളജിക്കല് മാക്രോമോളിക്യുലാര് ക്രിസ്റ്റലോഗ്രഫി മേഖലയ്ക്ക് ഇന്ത്യയില് നേതൃത്വം നല്കിയ ജീവശാസ്ത്രജ്ഞന് ഡോ. എം. വിജയന് (81) ബെംഗളൂരുവില് അന്തരിച്ചു, അന്താരാഷ്ട്ര തലത്തില് ശ്രദ്ധേയമായ ഗവേഷകനാണ്. 2007 മുതല് 2010 വരെ ഇന്ത്യന് നാഷണല് സയന്സ് അക്കാദമിയുടെ പ്രസിഡന്റായിരുന്നു.
ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സില് ആണവോര്ജവകുപ്പിന്റെ ഹോമി ഭാഭ ചെയറിലെ പ്രൊഫസറാണ്. മൈക്രോബാക്ടീരിയല് പ്രോട്ടീനുകളുടെ ഘടന, അവയുടെ പരസ്പര ഇടപെടലുകള്, വന് തന്മാത്രകളുടെ കൂട്ടങ്ങള് (സൂപ്പര് മോളിക്യുലാര് അസോസിയേഷന്) എന്നീ മേഖലകളില് സംഭാവനകള് നല്കി.
2004-ല് പദ്മശ്രീ നല്കി ആദരിച്ചു. ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സില് അധ്യാപകന്, പ്രൊഫസര്, മോളിക്യുലര് ബയോഫിസിക്സ് യൂണിറ്റ് ചെയര്മാന്, ബയോളജിക്കല് സയന്സസ് ഡിവിഷന് ചെയര്മാന് എന്നിങ്ങനെ സേവനമനുഷ്ഠിച്ചു.
ശാന്തിസ്വരൂപ് ഭട്നഗര് പുരസ്കാരം, ജി.എന്. രാമചന്ദ്രന് മെഡല്, ഐ.എന്.എസ്.എ. പൂര്വവിദ്യാര്ഥി അവാര്ഡ്, എക്സല്. റെസ്. അവാര്ഡ്, ലൈഫ് സയന്സ്, റാന്ബാക്സി റെസ്. ബേസിക് മെഡിക്കല് സയന്സസ് അവാര്ഡ്, തുടങ്ങിയ പുരസ്കാരങ്ങള് നേടി.
"
https://www.facebook.com/Malayalivartha
