പഞ്ചതന്ത്രം കഥകള് എല്ലാം പച്ചവെള്ളം പോലെ മനഃപാഠം... പുതുതലമുറ മലയാളി അറിയുന്നതിനേക്കാള് ഇന്ത്യന് പുരാണങ്ങളും ഇവയുടെ ദൃശ്യ ഭാഷ ഒരുക്കി ഒറ്റയാള് പ്രകടനമായി അവതരിപ്പിച്ച് ഫ്രഞ്ചുകാരന് ജീന് ലൂക്ക്
പഞ്ചതന്ത്രം കഥകള് എല്ലാം പച്ചവെള്ളം പോലെ മനഃപാഠം... പുതുതലമുറ മലയാളി അറിയുന്നതിനേക്കാള് ഇന്ത്യന് പുരാണങ്ങളും ഇവയുടെ ദൃശ്യ ഭാഷ ഒരുക്കി ഒറ്റയാള് പ്രകടനമായി അവതരിപ്പിച്ച് ഫ്രഞ്ചുകാരന് ജീന് ലൂക്ക്.
വെറുതേ അറിയുക മാത്രമല്ല ഇവയുടെ ദൃശ്യ ഭാഷ ഒരുക്കി അത് ഒറ്റയാള് പ്രകടനമായി അവതരിപ്പിക്കാനും ജീന് ലൂക്കിന് ആവേശമാണ്. മൂവാറ്റുപുഴ സംവര്ത്തിക ആയുര്വേദ ആശുപത്രിയില് ചികിത്സയ്ക്ക് എത്തിയ ജീന് ലൂക്ക് ചികിത്സയ്ക്കിടയിലും തന്റെ പ്രകടനം പുറത്തെടുത്തത് ജീവനക്കാര്ക്കും രോഗികള്ക്കും ഏറെ കൗതുകകാഴ്ചയായി.
പോണ്ടിച്ചേരിയില് നിന്നു ഫ്രാന്സില് എത്തിയ ഒരു സോഷ്യോളജി പ്രഫസറാണ് ജീന് ലൂക്കിന് പഞ്ചതന്ത്രം കഥകളും പുരാണ കഥകളും പരിചയപ്പെടുത്തി നല്കിയത്.
അധ്യാപകനായും ഇലക്ട്രിഷ്യന് ആയും ജോലി ചെയ്തിരുന്ന ജീന് എഴുപതാം വയസ്സില് ഇന്ത്യന് പുരാണ കഥകളുടെ ദൃശ്യ ഭാഷ ഒരുക്കുന്ന തിരക്കിലാണ്. സംവര്ത്തിക ആശുപത്രിയുടെ നടുമുറ്റത്ത് ഒരു മണിക്കൂര് നീണ്ട അവതരണത്തില് ഇന്ത്യന് പക്ഷി, ഭിക്ഷക്കാരനും രാജാവും , കുരുടനും ആനയും, സിംഹവും ആട്ടിന് കുട്ടിയും, നാരായണന്റെ കഥ തുടങ്ങി പത്തോളം ലഘു നാടകങ്ങളാണ് അവതരിപ്പിച്ചത്.
ജീന് ലൂക്കിനെ പൊന്നാടയണിയിച്ച് ആദരിച്ച് നാടകകൃത്തും സംവിധായകനുമായ മൂവാറ്റുപുഴ കൊന്നയ്ക്കല് ശിവദാസന് നമ്പൂതിരി .
"
https://www.facebook.com/Malayalivartha
