മുഖ്യമന്ത്രി പിണറായി വിജയനെതിരേ കണ്ണൂരില് കരിങ്കൊടി പ്രതിഷേധവുമായി യൂത്ത് കോണ്ഗ്രസ്, യുവമോര്ച്ച പ്രവര്ത്തകര്... പ്രതിഷേധക്കാര്ക്കു നേരെ ജലപീരങ്കി പ്രയോഗിച്ച് പോലീസ്
മുഖ്യമന്ത്രി പിണറായി വിജയനെതിരേ കണ്ണൂരില് കരിങ്കൊടി പ്രതിഷേധവുമായി യൂത്ത് കോണ്ഗ്രസ്, യുവമോര്ച്ച പ്രവര്ത്തകര്... പ്രതിഷേധക്കാര്ക്കു നേരെ ജലപീരങ്കി പ്രയോഗിച്ച് പോലീസ്.
മുഖ്യമന്ത്രിയുടെ മാര്ഗമധ്യേ തളാപ്പില്വെച്ച് യുവമോര്ച്ച പ്രവര്ത്തകരും മുഖ്യമന്ത്രിക്കുനേരെ കരിങ്കൊടി കാണിച്ചു. പ്രതിഷേധക്കാരായ പ്രവര്ത്തകരെ അറസ്റ്റ് ചെയ്ത് നീക്കി
ഇരുപതോളം വരുന്ന യൂത്ത് കോണ്ഗ്രസ് പ്രവര്ത്തകരാണ് പ്രതിഷേധ കരിങ്കൊടിയുമായി ഗസ്റ്റ് ഹൗസിന് മുമ്പില് പ്രതിഷേധിക്കാനെത്തിയത്. ഇവര്ക്ക് നേരെ പോലീസ് ജലപീരങ്കി പ്രയോഗിച്ചു. ഗസ്റ്റ് ഹൗസിനകത്തേക്ക് കടക്കാനുള്ള ശ്രമം നടത്തിയ പ്രതിഷേധക്കാരെ പോലീസ് അറസ്റ്റ് ചെയ്ത് നീക്കുകയായിരുന്നു.
പ്രതിഷേധവുമായെത്തിയ യൂത്ത് കോണ്ഗ്രസ് പ്രവര്ത്തകരെ സിപിഎം പ്രവര്ത്തകര് മര്ദിച്ചതായും റിപ്പോര്ട്ടുണ്ട്. തളിപ്പറമ്പില് യൂത്ത് കോണ്ഗ്രസ്-യൂത്ത് ലീഗ് പ്രവര്ത്തകര് കരിങ്കൊടി പ്രകടനം നടത്തി.
മുഖ്യമന്ത്രിയുടെ പൊതുപരിപാടിക്ക് പഴുതടച്ചസുരക്ഷ് കണ്ണൂരില് പോലീസ് ഏര്പ്പെടുത്തി. എട്ട് ഡി.വൈ.എസ്.പിമാരുടെ നേതൃത്വത്തില് അഞ്ഞൂറോളം പോലീസുകാരെയാണ് വിന്യസിച്ചിരിക്കുന്നത്.
തളിപ്പറമ്പിലും കുറുമാത്തൂരിനുമിടയില് ഒമ്പത് മണിക്കും പന്ത്രണ്ട് മണിക്കും ഇടയില് ഗതാഗത നിയന്ത്രണം ഏര്പ്പെടുത്തി. തളിപ്പറമ്പ് നഗരം മുതല് കിലയുടെ പരിപാടി നടക്കുന്ന കരിമ്പം ഫാം വരേയുള്ള പ്രദേശം വരെയാണ് ഇത്തരത്തില് കര്ശനമായി നിയന്ത്രണം ഏര്പ്പെടുത്തിയത്.
"
https://www.facebook.com/Malayalivartha
