ലോകകപ്പ് ഫുട്ബോളിൽ ആഫ്രിക്കൻ കരുത്ത് കാട്ടാൻ സൂപ്പർ കഴുകൻമാർ ഇത്തവണയുമെത്തില്ല. ലോകകപ്പ് ​യോ​ഗ്യത റൗണ്ടിൽ ഡിആർ കോംഗോയോട് പെനാൽറ്റി ഷൂട്ടൗട്ടിൽ പരാജയപ്പെട്ടാണ് നൈജീരിയ പുറത്തായത്. മൂന്നുതവണ പ്രീ ക്വാർട്ടറിൽ എത്തിയ നൈജീരിയ തുടർച്ചയായി രണ്ടാം തവണയാണ് ലോകകപ്പിൽ നിന്ന് പുറത്താവുന്നത്.

ജയം അനിവാര്യമായ മത്സരത്തിൽ ആദ്യ മിനിറ്റിൽ തന്നെ നൈജീരിയ ​ഗോൾ നേടിയിട്ടുണ്ടായിരുന്നു. മൂന്നാം മിനിറ്റിൽ ഫ്രാങ്ക് ഒനയേകയാണ് ടീമിന് ലീഡ് നേടി കൊടുത്തത്.

എന്നാൽ 32-ാം മിനിറ്റിൽ മെച്ചക് എലിയ ഡിആർ കോം​ഗോയ്ക്ക് സമനില നേടിക്കൊടുത്തു. നിശ്ചിത സമയത്തും അധികസമയത്തും സമനില തുടർന്നതോടെ ഷൂട്ടൗട്ടിലേക്ക് നീങ്ങുകയായിരുന്നു. ഷൂട്ടൗട്ടിൽ 4-3 ആയിരുന്നു ഡിആർ കോം​ഗോയുടെ ജയം. ഇതോടെ കോംഗോ ഇന്റർ കോണ്ടിനെന്റൽ പ്ലേ ഓഫിന്‌ യോഗ്യത നേടി.